Беларускія вучоныя і парламентарыі падчас круглага стала, прысвечанага 25‑годдзю Саюзнай дзяржавы, абмеркавалі праекты і праграмы, якія былі рэалізаваны ў супрацоўніцтве з расійскімі калегамі. Як заўважыў перад пачаткам сустрэчы старшыня Прэзідыума НАН Беларусі акадэмік Уладзімір Гусакоў, такое ўзаемадзеянне дазволіла не проста захаваць навуковыя школы, але і развіць іх, многія з распрацовак сталі прарыўнымі.

У выдавецтве “Беларуская навука” пабачыла свет кніга “Малдаване Беларусі: этнакультурная ідэнтычнасць і інтэграцыя”. Аўтар унікальнага выдання – доктар гістарычных навук, дацэнт, вядучы навуковы супрацоўнік Інстытута мастацтвазнаўства, этнаграфіі і фальклору НАН Беларусі Елізавета Квілінкова.

Пасяджэнне Кансультатыўнага міжканфесійнага савета пад старшынствам Упаўнаважанага па справах рэлігій і нацыянальнасцяў Аляксандра Румака, прысвечанае тэме захавання памяці пра Вялікую Айчынную вайну, прайшло ў храме Узвіжання Крыжа Гасподняга. У пасяджэнні савета ўзялі ўдзел кіраўнікі рэлігійных і грамадскіх аб’яднанняў, прадстаўнікі Нацыянальнай акадэміі навук і Міністэрства абароны.