Гендарнае выхаванне — тэма актуальная і цікавая, бо патрабуе добрай тэарэтычнай падрыхтоўкі, асэнсаванага вопыту і настаўніцкай інтуіцыі. Гэтую думку падзяляюць метадысты і педагогі Слонімскага раённага цэнтра творчасці дзяцей і моладзі, якія два гады займаліся даследаваннем гендарнага выхавання ў межах інавацыйнай пляцоўкі. Для работы з хлопчыкамі і дзяўчынкамі педагогі абапіраліся на тэматычны фальклор, дапамогу бацькоў і інтарэсы саміх дзяцей. Нямала ўвагі даследаванню гендарнага выхавання моладзі прысвяціла галоўны навуковы супрацоўнік Інстытута сацыялогіі НАН Беларусі Флюра Ібрагімаўна Храмцова. Падчас выпадковага знаёмства яна прапанавала тэму і сваю дапа­могу.