У краіне створана шмат магчымасцей для рэалізацыі моладзі, а яе любое пачынанне і ўклад у навуку будуць высока ацэнены і дазволяць Беларусі развівацца. На гэтым падчас урачыстага адкрыцця Фестывалю навукі, які прайшоў у Цэнтральным батанічным садзе Нацыянальнай акадэміі навук, акцэнтавала ўвагу першы намеснік кіраўніка Адміністрацыі Прэзідэнта Наталля Пяткевіч.

Аўтарскія адукацыйныя праграмы настаўніцы гісторыі і грамадазнаўства Олтушскай сярэдняй школы Маларыцкага раёна Кацярына Алесік пабудаваны з улікам індывідуальных здольнасцей вучняў. Але ў аснове кожнай - музейная педагогіка. Вучні рэгулярна займаюцца археалогіяй, знойдзенныя артэфакты класіфікуюцца ў Інстытуце гісторыі НАН Беларусі.

На Міншчыне вялікая ўвага надзяляецца далучэнню школьнікаў да навуковай дзейнасці. Пра гаэта падчас абласной дыялогавай пляцоўкі "Навука і адукацыя як падмурак развіця і стварэння", якая адбылася ў Нацыянальнай акадэміі навук Беларусі, нагадала першы намеснік начальніка галоўнага ўпраўлення па адукацыі Мінаблвыканкама Соф'я Філістовіч.

Пра падрыхтоўку вучняў да алімпіяд, прафарыентацыйную работу і метадычную дапамогу настаўнікам - ў размове з начальнікам аддзела адукацыі Шчучынскага райвыканкама Паўлам Віктаравічам Тарчынскім. Кіраўнік распавёў, што ў раёне таксама працуе даследчая школа, у рамках якой наладжана ўзаемадзеянне з Гродзенскім занальным інстытутам раслінаводства НАН Беларусі і Гродзенскім дзяржаўным універсітэтам імя Янкі Купалы.

Выстава навукова-тэхнічных дасягненняў "Беларусь інтэлектуальная" праходзіць у Мінску. Свае дасягненні і распрацоўкі дэманструюць вучоныя Нацыянальнай акадэміі навук Беларусі, прадстаўнікі ўстаноў адукацыі, навукова-даследчыя арганізацыі, тэхнапаркі і інш.

Не так даўно Ала Пакрашынская, навуковы супрацоўнік Гродненскага дзяржаўнага аграрнага ўніверсітэта, абараніла кандыдатскую дысертацыю "Тэхналогія вытворчасці макаронных вырабаў з парашком ароніі чарнаплоднай у якасці тэхналагічнай і смакаараматычнай дабаўкі", працу над якой пачала падчас аспірантуры ў Навукова-практычным цэнтры НАН Беларусі па харчаванні.

У магістратуры хімічнага факультэта БДУ адбыўся набор на новую спецыяльнасць "Ядзерная і радыяцыйная бяспека". Адкрыццё праграмы абумоўлена запатрабаванасцю спецыялістаў для работы на атамнай электрастанцыі і ў профільных арганізацыях. Прымаючы рашэнне аб адкрыцці новага кірунку, у БДУ ўлічвалі запыты і прапановы арганізацый — заказчыкаў кадраў. Імі ў асноўным з’яўляюцца БелАЭС, Дэпартамент па ядзернай і радыяцыйнай бяспецы МНС, Навуковы інстытут Нацыянальнай акадэміі навук Беларусі, Міністэрства энергетыкі, а таксама прадпрыемствы, што складаюць інфраструктуру атамнай энергетыкі.

Інстытут сацыялогіі НАН Беларусі выявіў, што студэнты, выбіраючы фінансавую паслугу, шукаюць інфармацыю пра яе ў інтэрнэце. Магчыма, было б дарэчы праводзіць ва ўніверсітэтах факультатывы ці ўвесці новыя дысцыпліны па фінансавай дасведчанасці? На чым наогул трэба акцэнтаваць увагу, размаўляючы з вучнямі аб эканоміцы і эканоміі? Ці трэба далучаць да праектаў па фінансавай дасведчанасці педагогаў? Гэта і іншае нам тлумачыць навуковы супрацоўнік Беларускага эканамічнага даследча-адукацыйнага цэнтра (BEROC) Анастасія Лузгіна.

Адна з праблем сучаснай медыцыны — неінфекцыйныя захворванні. Калі верыць прагнозам, то ў 2030 годзе ад іх будуць пакутаваць 2/3 пацыентаў. Вучоныя лічаць, што выкарыстанне стваловых клетак можа дапамагчы ў гэтым. Сёння клетачная тэрапія паспяхова прымяняецца для лячэння анкалогіі, захворванняў скуры, склерозу і інш. Даследаваннямі, якія паказваюць вынікі прымянення стваловых клетак у шматлікіх кірунках медыцыны, Нацыянальная акадэмія навук Беларусі займаецца ўжо шмат гадоў. А значыць, ёсць надзея, што і ў іншых кірунках медыцыны гэты метад тэрапіі будзе мець станоўчы вынік.

Якасць і бяспека — гэта галоўныя характарыстыкі, якім павінна адпавядаць дзіцячае харчаванне. Распрацоўкай такіх прадуктаў займаюцца ў Нацыянальнай акадэміі навук. Сёння доследна-тэхналагічныя ўчасткі Навукова-практычнага цэнтра па харчаванні НАН займаюцца як выпускам гатовых прадуктаў і паўфабрыкатаў, так і вытворчасцю спецыялізаванай прадукцыі. Больш падрабязней аб тым, якім прадуктам варта аддаваць перавагу, калі дома ёсць дзеці, расказала намеснік генеральнага дырэктара Навукова-практычнага цэнтра Нацыянальнай акадэміі навук па харчаванні Алена Міхайлаўна Маргунова.

Сення 85% рынку дзіцячага харчавання - гэта айчынная прадукцыя, якая вырабляецца на аснове ўласнай сыравіны. "Тут вялікая роля належыць менавіта навуковаму складальніку. Вучоныя НАН і ў тым ліку Цэнтра па харчаванні, а таксама Інстытута мяса-малочнай прамысловасці, навукова-вытворчага прадпрыемства "Белтэхнахлеб" займаюцца распрацоўкай новых відаў прадукцыі для дзіцячага харчавання, - заўважыла намеснік генеральнага дырэктара па стандартызацыі і якасці прадуктаў харчавання РУП "Навукова-практычны цэнтр НАН Беларусі па харчаванні" Алена Міхайлаўна Маргунова.