Навіны

Галоўная старонка / Навіны / Архіў навін

RSS

16.05.2018

Інстытут філасофіі НАН Беларусі запрашае на семінар-абмеркаванне даклада Г.Г. Малінецкага

Інстытут філасофіі Нацыянальнай акадэміі навук Беларусі запрашае на пасяджэнне міждысцыплінарнага навуковага семінара “Філасофскія праблемы прыродазнаўства і тэхнікі”. Тэма даклада “Апакаліпсіс у прыродазнаўчанавуковым кантэксце і апакаліптыка 21 стагоддзя”. Дакладчык доктар фізіка-матэматычных навук Малінецкі Георгій Генадзьевіч.

16.05.2018

НПЦ НАН Беларусі па харчаванні прысуджана прэмія ўрада за дасягненні ў галіне якасці 2017 года

За дасягненне значных вынікаў у галіне якасці і канкурэнтаздольнасці прадукцыі, аказваемых паслуг або выкананых работ, укараненне інавацыйных тэхналогій і сучасных метадаў менеджменту прэмія ўрада Беларусі за дасягненні ў галіне якасці 2017 года прысуджана РУП “Навукова-практычны цэнтр Нацыянальнай акадэміі навук Беларусі па харчаванні”.

16.05.2018

Прадстаўнікі НАН Беларусі ўдастоены дзяржаўных узнагарод Рэспублікі Беларусь

Указам Прэзідэнта Рэспублікі Беларусь №176 ад 11 мая 2018 года за шматгадовую плённую працу, высокі прафесіяналізм, узорнае выкананне службовых абавязкаў, вялікі асабісты ўклад у развіццё аграпрамысловага і нафтахімічнага комплексаў, энергетычнай сістэмы, прамысловасці, жыллёва-камунальнай і дарожнай гаспадаркі, будаўнічай галіны, значныя дасягненні ў сферах транспарту, гандлю, адукацыі і культуры быў узнагароджаны шэраг супрацоўнікаў арганізацый і прадпрыемстваў, сярод якіх прадстаўнікі НАН Беларусі.

16.05.2018

Супрацоўнікі Інстытута цепла- і масаабмену імя А.В.Лыкава ўдастоены першай міжнароднай прэміі імя Ю.І. Астроўскага

Супрацоўнікі Інстытута цепла- і масаабмену імя А.В.Лыкава НАН Беларусі М.Базылеў і М.Фамін удастоены першай міжнароднай прэміі імя Ю.І. Астроўскага за лепшыя навуковыя працы ў галіне аптычнай галаграфіі і інтэрфераметрыі. Узнагарода прысуджана за манаграфію “Колькасная візуалізацыя плыней, заснаваная на спекл-тэхналогіях”, якая выйшла ў Выдавецкім доме “Беларуская навука” ў 2016 годзе. Праца супрацоўнікаў ІЦМА была аднагалосна падтрымана Аргкамітэтам прэміі, якая прысуджаецца Фізіка-тэхнічным інстытутам імя А.Ф.Іофе (Санкт-Пецярбург, Расія).

15.05.2018

У НАН Беларусі пройдзе Міжнародны форум даследчыкаў беларускай казкі

17–18 мая 2018 г. у НАН Беларусі (Мінск, вул. Сурганава, 1, корп. 2, актавая зала, 2 паверх) адбудзецца Міжнародны форум даследчыкаў беларускай казкі. Гэта маштабнае мерапрыемства, якое ўключае навуковую канферэнцыю, круглы стол, выступы майстроў казкавага жанру. Арганізатар Форуму – дзяржаўная навуковая ўстанова “Цэнтр даследаванняў беларускай культуры, мовы і літаратуры Нацыянальнай Акадэміі навук Беларусі”.

14.05.2018

Вучоныя Нацыянальнай акадэміі навук Беларусі прадставяць на ТІБО – 2018 новыя і тыя, што ўжо зарэкамендавалі сябе, распрацоўкі

Арганізацыі НАН Беларусі прымуць удзел у XXV Юбілейнай Міжнароднай выставе “ТІБО 2018.”. Выстава пройдзе ў г. Мінску з 14 па 18 мая 2018 года. Плануецца, што на выставе будуць прадстаўлены экспазіцыі пяці навуковых арганізацый НАН Беларусі.

10.05.2018

Аб’яўляецца конкурс кандыдатур для прадастаўлення грантаў Прэзідэнта Рэспублікі Беларусь у навуцы на 2019 г.

У мэтах выканання Указа Прэзідэнта Рэспублікі Беларусь ад 13 верасня 2013 г. № 425 “Аб грантах Прэзідэнта Рэспублікі Беларусь у навуцы, адукацыі, ахове здароўя, культуры” (Нацыянальны прававы інтэрнэт-партал Рэспублікі Беларусь, 18.09.2013, 1/14521), у мэтах фінансавай падтрымкі дзейнасці, якая мае прыярытэтнае значэнне для развіцця навукі, Нацыянальнай акадэміяй навук Беларусі аб’яўляецца конкурс кандыдатур для прадастаўлення грантаў Прэзідэнта Рэспублікі Беларусь на 2019 г. па галіне “навука”.

08.05.2018

Віншаванне з Днём Перамогі Старшыні Прэзідыума НАН Беларусі У.Р. Гусакова

Дарагія ветэраны, паважаныя калегі!

Ад імя Прэзідыума НАН Беларусі і ад сябе асабіста віншую вас са святым для ўсяго беларускага народа святам – Днём Перамогі! Вось ужо ў 73-і раз сустракаем мы мірную вясну і адзначаем гераізм нашага народа, праяўлены ў гады Вялікай Айчыннай вайны, яго мужнасць, адвагу, згуртаванасць у барацьбе за свабоду Радзімы. Сёння мы павінны аддаць належнае нашым бацькам і дзядам, захаваць гераічныя подзвігі землякоў, усіх абаронцаў Радзімы ў памяці не толькі цяперашніх, але і будучых пакаленняў.

07.05.2018

Інстытут падрыхтоўкі навуковых кадраў НАН Беларусі аб’яўляе адкрыты конкурс электронных прэзентацый “Ад маёй малой Радзімы да IT-дзяржавы”

Інстытут падрыхтоўкі навуковых кадраў НАН Беларусі аб’явіў конкурс электронных прэзентацый “Ад маёй малой Радзімы да IT-дзяржавы”. Конкурс праводзіцца ў рамках рэалізацыі мерапрыемстваў Года малой радзімы ў Рэспубліцы Беларусь і 90-гадовага юбілею НАН Беларусі, захавання традыцый, пераемнасці пакаленняў і стымулявання моладзі да навукова-даследчай і інавацыйнай дзейнасці ў рамках рэалізацыі стратэгіі “Навука і тэхналогіі 2018-2040 і мадэлі “Беларусь інтэлектуальная”.

04.05.2018

У НАН Беларусі адбылося пасяджэнне арганізацыйнага камітэта па падрыхтоўцы і правядзенні святкавання 25-годдзя Міжнароднай асацыяцыі акадэмій навук

4 мая 2018 года ў НАН Беларусі адбылося пасяджэнне арганізацыйнага камітэта па падрыхтоўцы і правядзенні святкавання 25-годдзя Міжнароднай асацыяцыі акадэмій навук. Плануецца, што асноўныя ўрачыстасці пройдуць 20 - 21 верасня 2018 года на базе НАН Беларусі. У Мінск прыедуць кіраўнікі акадэмій навук краін СНД, вядучых замежных акадэмій, вядомыя вучоныя.

03.05.2018

Інстытут мовазнаўства правёў у Любані Рэспубліканскі навукова-практычны семінар “Любанская зямля на гісторыка-культурнай карце Беларусі”

Інстытут мовазнаўства імя Якуба Коласа Цэнтра даследаванняў беларускай культуры, мовы і літаратуры НАН Беларусі правёў у Любані Рэспубліканскі навукова-практычны семінар “Любанская зямля на гісторыка-культурнай карце Беларусі”, прымеркаваны да Года малой радзімы.

02.05.2018

У I квартале 2018 года аб’ём работ НАН Беларусі вырас больш чым на трэць

Агульны аб’ём работ, выкананых арганізацыямі НАН Беларусі за студзень-сакавік 2018 года, склаў 124,4 млн. рублёў, або 130,9% да адпаведнага перыяду 2017 года. Такія даныя справаздачы аб фінансава-гаспадарчай дзейнасці НАН Беларусі за студзень-сакавік 2018 года.
Па навуковай, навукова-тэхнічнай і інавацыйнай дзейнасці арганізацыямі НАН Беларусі выканана работ на суму 53,7 млн. рублёў, у тым ліку за кошт сродкаў рэспубліканскага бюджэту – 23,3 млн. рублёў (або 124,7% да адпаведнага перыяду 2017 года), за кошт сродкаў бюджэту Саюзнай дзяржавы Беларусі і Расіі – 2,7 млн. рублёў (77,7% да плана 1 квартала 2018 года, рост у 5 разоў да адпаведнага перыяду 2017 года). Па бюджэтных і гаспадарчых дагаворах выкананы аб’ём работ склаў 27,7 млн. рублёў (154,3% да плана 1 квартала 2018 года, рост у 1,75 раза да студзеня-сакавіка 2017 года).

02.05.2018

У ЦНБ імя Якуба Коласа прэзентуюць навуковую манаграфію “Грамадска-палітычнае жыццё ў Беларусі 1772-1917 гг.”

Інстытут гісторыі НАН Беларусі і Цэнтральная навуковая бібліятэка імя Якуба Коласа НАН Беларусі запрашаюць 3 мая 2018 г. у 15:00 (інфармацыйна-выставачны цэнтр ЦНБ НАН Беларусі, Мінск, вул. Сурганава, 15), на прэзентацыю навуковай манаграфіі “Грамадска- палітычнае жыццё ў Беларусі 1772-1917 гг.”, якая выйшла ў выдавецтве “Беларуская навука”.

26.04.2018

Завяршыла работу сесія Агульнага сходу НАН Беларусі

Сёння завяршыла работу сесія Агульнага сходу Нацыянальнай акадэміі навук Беларусі. У ёй прынялі ўдзел прадстаўнікі акадэмічнай, вузаўскай і галіновай навукі, маладыя навукоўцы краіны. Са Справаздачай аб дзейнасці Нацыянальнай акадэміі навук Беларусі ў 2017 годзе і задачах на 2018 год выступіў Галоўны вучоны сакратар НАН Беларусі акадэмік Аляксандр Кільчэўскі. Першы намеснік Старшыні Прэзідыума НАН Беларусі акадэмік Сяргей Чыжык выступіў з дакладам “Аб унясенні дапаўненняў і змяненняў у Статут Нацыянальнай акадэміі навук Беларусі”.

26.04.2018

Міжнародная канферэнцыя памяці акадэміка Зяльдовіча праходзіць у Мінску ў трэці раз

З 23 па 27 красавіка 2018 года ў Нацыянальнай акадэміі навук Беларусі праходзіць міжнародная канферэнцыя па астрафізіцы, прысвечаная памяці Якава Барысавіча Зяльдовіча, ураджэнца Беларусі, заснавальніка расійскай школы рэлятывісцкай астрафізікі, стваральніка савецкай атамнай бомбы і распрацоўшчыка знакамітай “кацюшы”. Канферэнцыя сабрала вядучых вучоных з розных краін: Беларусі, Венгрыі, Германіі, Італіі, Кітая, Калумбіі, Польшчы, Расіі, Славеніі, Тайваня, Украіны, Харватыі і Эстоніі.

25.04.2018

Абноўлена Дошка гонару Нацыянальнай акадэміі навук Беларусі

25 красавіка 2018 года адбылося ўрачыстае адкрыццё абноўленай Дошкі гонару Нацыянальнай акадэміі навук Беларусі.
У адпаведнасці з Пастановай Бюро Прэзідыума НАН Беларусі ад 09.04.2018 № 160 прызнаны пераможцамі і занесены на Дошку гонару Нацыянальнай акадэміі навук Беларусі за дасягненне ў 2017 годзе найлепшых вынікаў у навуковай, навукова-тэхнічнай і інавацыйнай, вытворчай, сацыяльнай дзейнасці наступныя арганізацыі Нацыянальнай акадэміі навук Беларусі:

25.04.2018

Аб’яўлены рэспубліканскі конкурс для назначэння стыпендый Прэзідэнта Рэспублікі Беларусь таленавітым маладым вучоным на 2019 г.

У адпаведнасці з Палажэннем аб парадку правядзення штогадовага адкрытага рэспубліканскага конкурсу для прызначэння стыпендый Прэзідэнта Рэспублікі Беларусь таленавітым маладым вучоным, зацверджаным Указам Прэзідэнта Рэспублікі Беларусь ад 11 жніўня 2005 г. № 367 “Аб удасканаленні стымулявання творчай працы маладых вучоных”, аб’яўлены рэспубліканскі конкурс для прызначэння стыпендый Прэзідэнта Рэспублікі Беларусь таленавітым маладым вучоным на 2019 г. Для ўдзелу ў конкурсе вылучаюцца кандыдатуры дактароў навук ва ўзросце да 45 гадоў, кандыдатаў навук – да 35 гадоў, вучоных без ступені – да 30 гадоў (па стане на 1 студзеня 2018 года), якія дасягнулі найлепшых вынікаў у навуковай, навукова-тэхнічнай, інавацыйнай дзейнасці. Пры вылучэнні кандыдатур таленавітых маладых вучоных для ўдзелу ў конкурсе ўлічваюцца іх дасягненні ў прыярытэтных напрамках фундаментальных і прыкладных навуковых даследаванняў і навукова-тэхнічнай дзейнасці, уклад у сацыяльна-эканамічнае развіццё Рэспублікі Беларусь.

25.04.2018

Адбылося падпісанне Пагаднення аб супрацоўніцтве паміж Інстытутам філасофіі НАН Беларусі і Нацыянальным інстытутам сацыяльнага развіцця Кітайскай акадэміі грамадскіх навук

25 красавіка 2018 г. у ДНУ “Інстытут філасофіі НАН Беларусі” адбыўся беларуска-кітайскі навукова-практычны семінар “Ініцыятыва “Адзін пояс, адзін шлях” і філасофія кіравання ў новую эпоху”. З прывітальным словам да ўдзельнікаў семінара звярнуўся дырэктар Інстытута філасофіі НАН Беларусі Анатолій Лазарэвіч. З дакладамі выступілі дырэктар Інстытута сацыяльнага развіцця Кітайскай акадэміі грамадскіх навук прафесар Чжан І, кіраўнікі даследчых дэпартаментаў Інстытута сацыяльнага развіцця Фэн Сюінь і Ю Шаосянь, супрацоўнікі Інстытута філасофіі НАН Беларусі.

24.04.2018

НАН Беларусі аб'яўляе конкурс на саісканне прэмій для маладых вучоных з нагоды 90-годдзя з дня заснавання

Нацыянальная акадэмія навук Беларусі аб’яўляе аб правядзенні ў 2018 годзе конкурсу на саісканне прэмій для маладых вучоных з нагоды 90-годдзя з дня заснавання Нацыянальнай акадэміі навук Беларусі. Прысуджаецца сем прэмій у наступных галінах навукі: прэмія ў галіне фізікі, матэматыкі, інфарматыкі; прэмія ў галіне фізіка-тэхнічных і тэхнічных навук; прэмія ў галіне біялогіі; прэмія ў галіне хіміі і навук аб Зямлі; прэмія ў галіне медыцыны; прэмія ў галіне аграрных навук; прэмія ў галіне гуманітарных і сацыяльных навук.

23.04.2018

26 красавіка 2018 года адбудзецца сесія Агульнага сходу Нацыянальнай акадэміі навук Беларусі

26 красавіка 2018 года ў вялікай канферэнц-зале (пр. Незалежнасці, 66, галоўны корпус, 2-гі паверх) адбудзецца сесія Агульнага сходу Нацыянальнай акадэміі навук Беларусі. На парадку дня сесіі – “Справаздача аб дзейнасці Нацыянальнай акадэміі навук Беларусі ў 2017 годзе і задачы на 2018 год”. Па гэтым пытанні з дакладам выступіць галоўны вучоны сакратар НАН Беларусі акадэмік Кільчэўскі Аляксандр Уладзіміравіч. Першы намеснік Старшыні Прэзідыума НАН Беларусі акадэмік Чыжык Сяргей Антонавіч выступіць з дакладам “Аб унясенні дапаўненняў і змяненняў у Статут Нацыянальнай акадэміі навук Беларусі”. На сесіі Агульнага сходу будзе зацверджана справаздача НАН Беларусі за 2017 год і прынята пастанова Агульнага сходу НАН Беларусі.


Новости 1 - 20 из 945
Начало | Пред. | 1 2 3 4 5 | След. | Конец
 

Галоўная старонка / Навіны / Архіў навін / Да пачатку старонкі
Пры поўным ці частковым выкарыстанні інфармацыі спасылка на крыніцу з'яўляецца абавязковай



© 2002 Битрикс, 2007 1С-Битрикс