05 – 09 кастрычніка 2020 года дзяржаўная навуковая ўстанова «Інстытут эксперыментальнай батанікі імя В. Ф. Купрэвіча Нацыянальнай акадэміі навук Беларусі» пры ўдзеле дзяржаўнай прыродаахоўнай установы «Нацыянальны парк “Нарачанскі”» праводзіць Х Міжнародны навукова-практычны семінар для студэнтаў, магістрантаў, аспірантаў, выкладчыкаў і работнікаў спецыяльнасці «Лясная гаспадарка» («Лясная справа») на тэму «Дынаміка, стан і маніторынг лясных экасістэм на асабліва ахоўных прыродных тэрыторыях». Семінар прысвечаны Году малой радзімы ў Рэспубліцы Беларусь.
Мэта правядзення – умацаванне навуковых сувязей, развіццё і пашырэнне стасункаў паміж вучонымі, моладдзю і работнікамі спецыяльнасці «Лясная гаспадарка» («Лясная справа») акадэмій навук і вядучых ВНУ Беларусі і краін сумежных тэрыторый шляхам навуковага супрацоўніцтва, абмену вопытам, распрацоўкі сумесных праектаў і садзейнічання экалагічнай адукацыі па дадзенай спецыяльнасці.
У часе правядзення семінара будуць арганізаваны навукова-практычныя заняткі на тэрыторыі Нацыянальнага парка «Нарачанскі» і Маладзечанскага лясгаса Мінскага ДВЛГА, дзе ўдзельнікі пазнаёмяцца з практыкай правядзення высечак галоўнага і прамежкавага карыстання, санітарна-аздараўленчых мерапрыемстваў, другімі відамі лесагаспадарчай дзейнасці, а таксама селекцыйна-генетычнымі аб’ектамі НП «Нарачанскі», наведаюць пункты назіранняў і маніторынгу воднай і лясной расліннасці, аб’екты маніторынгу ахоўных відаў раслін, асобных катэгорый рэдкіх біятыпаў і/ці аднесеных да ўнікальных прыродных комплексаў (на тэрыторыі НП «Нарачанскі»). На семінары мяркуецца разгледзець прапановы і абмеркаваць сумесныя праекты, якія плануецца падаваць у розныя фонды і дзяржаўныя праграмы (у тым ліку саюзныя), а таксама перспектывы і вынікі рэалізацыі сумесных грантаў.
Вынікам работы семінара стане кансалідацыя намаганняў, вопыту і ведаў вучоных, выкладчыкаў і практыкаў па пытаннях ацэнкі эфектыўнасці абмежаванняў і забароны, усталяваных у адносінах да асабліва ахоўных прыродных тэрыторый і асобных аб’ектаў расліннага свету.
Для ўдзелу ў рабоце семінара зарэгістраваліся 42 чалавекі, якія прадстаўляюць 13 навукова-даследчых устаноў, ВНУ Беларусі, Казахстана, Рэспублікі Сербія, Расіі і Украіны. Прадстаўнікі арганізацый Беларусі прымуць вочны ўдзел у семінары, для вучоных з замежных краін адбудзецца відэаканферэнцыя.
Месца правядзення: Вучэбны цэнтр Нацыянальнага банка Рэспублікі Беларусь (пасёлак Раўбічы, Мінскі раён, Рэспубліка Беларусь).
Каардынаты GPS месцазнаходжання Вучэбнага цэнтра: 54°03'52,7"п.ш., 27°46'47,7"ус.д.