На падставе рэзультатаў конкурсу па выніках 2020 года Бюро Прэзідыума НАН Беларусі прыняло рашэнне прызнаць Топ-10 рэзультатаў дзейнасці вучоных Акадэміі навук за 2020 год у галіне фундаментальных і прыкладных даследаванняў.

Згодна з рашэннем Бюро Прэзідыума НАН Беларусі пераможцамі прызнаны:

1. Калектыў вучоных ДНУ «Інстытут фізікі імя Б.І. Сцяпанава НАН Беларусі» – за ўстанаўленне механізму дзеяння актыўных форм кіслароду ў рэалізацыі эфектаў фотабіястымуляцыі нізкаінтэнсіўным лазерным выпраменьваннем рэпрадуктыўнай функцыі жывёл;
2. Аўтарскі калектыў дзвюх навуковых арганізацый – ДНУ «Інстытут біяарганічнай хіміі НАН Беларусі» і ДНУ «Аб’яднаны інстытут праблем інфарматыкі НАН Беларусі» – за ідэнтыфікацыю метадамі камп’ютарнага скрынінгу і малекулярнага мадэлявання патэнцыяльных інгібітараў каронавіруса SARS-CoV-2;
3. Калектыў вучоных ДНУ «Інстытут цепла- і масаабмену імя А.В. Лыкава НАН Беларусі» – за распрацоўку і прымяненне механахімічнага нанамадыфікавання многафункцыянальных кампазіцыйных пакрыццяў кампанентаў мікратэхнікі;
4. Аўтарскі калектыў ДНУ «Аб’яднаны інстытут машынабудавання НАН Беларусі» і ДНУ «Інстытут механікі металапалімерных сістэм імя У.А. Белага» – за стварэнне інфармацыйных мадэлей-лічбавых двайнікоў гідра- і электрамеханічных прыводаў для праектавання і маніторынгу транспартных машын новага пакалення;
5. Вучоныя ДНУ «Інстытут біяарганічнай хіміі НАН Беларусі» – за выяўленне феномена паскарэння фасфаролізу нуклеазідаў шляхам імабілізацыі ферментных субстратаў на аніёнаабменніках як асновы для высокаэфектыўнага сінтэзу супрацьпухлінных прэпаратаў;
6. Какарэка Сяргей Вітальевіч, загадчык лабараторыі трансгранічнага забруджвання ДНУ «Інстытут прыродакарыстання НАН Беларусі», доктар тэхнічных навук, прафесар – за лічбавае мадэляванне распаўсюджання аэразольна-газавых прымесей у атмасферы Беларускай антарктычнай станцыі і ўстанаўленне тэндэнцый іх змянення за трыццацігадовы перыяд;
7. Аўтарскі калектыў ДНУ «Інстытут мікрабіялогіі НАН Беларусі» – за стварэнне рэкамбінантных штамаў бактэрый – прадуцэнтаў чалавечага бялку анексіну ў адзінстве з адэназін-дэградуючымі ферментамі як асновы стварэння біяпрэпаратаў новага пакалення;
8. Вучоныя ДНВА «НПЦ НАН Беларусі па біярэсурсах» – за вызначэнне ступені матэматычнай значнасці велічынь рызыкі пранікнення і распаўсюджвання чужародных відаў водных беспазваночных на тэрыторыі Беларусі;
9. Калектыў аўтараў ДП «Інстытут біяхіміі біялагічна актыўных злучэнняў НАН Беларусі» і УА «Гродзенскі дзяржаўны ўніверсітэт імя Янкі Купалы» – за распрацоўку біямедыцынскай тэхналогіі аднаўлення клетак печані на аснове комплексу фізіялагічна актыўных злучэнняў, якія валодаюць высокай антыаксідантнай і супрацьзапаленчай актыўнасцю;
10. Вучоныя-аграрыі РУП «НПЦ НАН Беларусі па земляробстве» – за стварэнне гетэрозісных гібрыдаў азімага жыта на аснове сістэмы цытаплазматычнай стэрыльнасці як асновы павышэння генетычнага патэнцыялу.

Узнагароджанне пераможцаў будзе прымеркавана да святкавання Дня беларускай навукі ў канцы студзеня 2021 года.

Прэс-служба НАН Беларусі