22–25 сакавіка 2021 г. Нацыянальную акадэмію навук Беларусі наведала дэлегацыя Энергетычнай асацыяцыі (БРІКС) з прадстаўнікамі кітайскай навуковай карпарацыі Ты-лінк. Мэта візіту – знаёмства з інавацыйнымі распрацоўкамі арганізацый НАН Беларусі, прапрацоўка перспектыўных напрамкаў і механізмаў развіцця супрацоўніцтва паміж НАН Беларусі, Энергетычнай асацыяцыяй БРІКС і кітайскай навуковай карпарацыяй Ты-лінк; правядзенне відэаканферэнцыі з галаўным офісам Ты-лінк у Пекіне з удзелам прадстаўнікоў Ты-лінк, Энергетычнай асацыяцыі БРІКС і кіраўніцтва НАН Беларусі.
24 сакавіка 2021 г. у будынку Прэзідыума НАН Беларусі на чале з У.Р. Гусаковым адбылася відэаканферэнцыя з галаўным офісам Ты-лінк у Пекіне з удзелам прадстаўнікоў Ты-лінк, Энергетычнай асацыяцыі БРІКС.
У ходзе візіту госці наведалі пастаянную выставу НАН Беларусі «Дасягненні айчыннай навукі – вытворчасці», Музей гісторыі НАН Беларусі, а таксама шэраг арганізацый.
Энергетычная асацыяцыя БРІКС з’яўляецца пляцоўкай, асноўная мэта якой – развіццё дыялогу паміж дзяржавамі-ўдзельніцамі па пытаннях энергетыкі і па дзяржаўна-прыватным партнёрстве. Спецыфічнымі мэтамі і задачамі Энергетычнай асацыяцыі БРІКС з’яўляюцца: ажыццяўленне незалежнай інфармацыйна-аналітычнай і навукова-даследчай дзейнасці ў інтарэсах краін БРІКС па пытаннях развіцця энергетыкі; прапрацоўка і падрыхтоўка прапаноў па скаардынаванай палітыцы і стратэгіі ў энергетычнай сферы, якая ўключае інфармацыйна-выдавецкую і публічную дзейнасць, садзейнічанне развіццю справядлівых цанавых маркераў для сусветнага нафтагазавага рынку, стварэнне сумеснай базы даных па прагнозах у энергетычнай сферы; садзейнічанне рэалізацыі сумесных інвестыцыйных праектаў у галіне энергетыкі; развіццё супрацоўніцтва ў галіне энергетычных тэхналогій; павышэнне эфектыўнасці падрыхтоўкі кадраў для энергетычнага сектара краін БРІКС і міжнароднага энергетычнага супрацоўніцтва ў рамках БРІКС, развіццё адукацыйных абменаў паміж краінамі БРІКС, распрацоўка і рэалізацыя сумесных адукацыйных праграм у энергетычнай сферы.
