Нацыянальная акадэмія навук Беларусі абвяшчае Рэспубліканскі конкурс творчых работ, прысвечаны Году народнага адзінства (далей – Конкурс).

Конкурс праводзіцца з мэтай кансалідацыі беларускага грамадства і ўмацавання нацыянальнага адзінства, фарміравання пачуцця гонару за гераічнае мінулае і слаўнае сучаснае, падтрымкі таленавітых творчых людзей, папулярызацыі Беларусі ў прасторы міжнароднай культуры.

Намінацыі Конкурсу лепшых ідэй, накіраваных на адлюстраванне адзінства народа:
- «Песні нашага краю»
- «Вершы і апавяданні пра свой край»
- «Краязнаўчымі сцежкамі»
- «Мова маёй зямлі (мясцовыя народныя гаворкі, геаграфічныя назвы, асабовыя імёны)»
- «Выяўленчае мастацтва»
- «Фота- і відэавідарысы»
- «Творы народных майстроў»

Да ўдзелу ў Конкурсе запрашаюцца творчыя людзі, аматары і прафесіяналы (вучоныя, пісьменнікі, журналісты, мастакі, кампазітары, скульптары, фотамайстры, майстры народных рамёстваў), а таксама настаўнікі, вучнёўская і студэнцкая моладзь, усе, у чыіх творах увасоблены ідэі народнага адзінства, сацыяльнай згоды і грамадскага паразумення.

Заяўкі да ўдзелу ў Конкурсе прымаюцца да 1 кастрычніка 2021 г. па e-mail: skaryna2017@gmail.com, а таксама па адрасе: 220072, г. Мінск, вул. Сурганава, 1, корп. 2.

Лаўрэаты кожнай намінацыі ўзнагароджваюцца дыпломамі, памятнымі знакамі-сімваламі Конкурсу.
Кантактны тэлефон, факс: +375-17 270-18-81