6 кастрычніка 2021 года ў Нацыянальнай акадэміі навук Беларусі ў фармаце відэаканферэнцыі адбылося чарговае пасяджэнне Навуковага савета па аграрных праблемах (далей – Навуковы савет) Міжнароднай асацыяцыі акадэмій навук (МААН) пад старшынствам намесніка Старшыні Прэзідыума НАН Беларусі, члена-карэспандэнта П.П. Казакевіча, які з’яўляецца Старшынёй гэтага Савета.

У мерапрыемстве актыўны ўдзел прынялі вучоныя з пяці краін: Беларусі, Расіі, Казахстана, Кыргызстана і Грузіі. Парадак дня пасяджэння Навуковага савета ўключаў пытанні актуалізацыі новых членаў і даклады, прысвечаныя стану селекцыі і насенняводства асноўных сельскагаспадарчых культур як у Рэспубліцы Беларусь, так і за мяжой.

У цяперашні час у склад Навуковага савета ўваходзяць 25 чалавек з 6 краін, у тым ліку 13 – з Беларусі (генеральныя дырэктары пяці навукова-практычных цэнтраў Акадэміі навук, акадэмікі і члены-карэспандэнты, дырэктары навуковых арганізацый Аддзялення аграрных навук НАН Беларусі), якія актыўна праводзяць навуковыя даследаванні па ўсіх напрамках аграпрамысловага комплексу Рэспублікі Беларусь: земляробства, раслінаводства і кормавытворчасць, жывёлагадоўля і ветэрынарная медыцына, механізацыя сельскай гаспадаркі, вытворчасць прадуктаў харчавання, аграрная эканоміка.

У склад Навуковага савета былі прынятыя 7 новых членаў, у тым ліку:
4 прадстаўнікі ад Расійскай Федэрацыі:
- Абрамава Ірына Міхайлаўна, дырэктар Усерасійскага навукова-даследчага інстытута харчовай біятэхналогіі – філіяла ФДБУН «Федэральны даследчы цэнтр харчавання, біятэхналогіі і бяспекі ежы», доктар тэхнічных навук, прафесар;
- Афанасьеў Валерый Андрэевіч, генеральны дырэктар АТ «НВЦ УНДІКП», доктар тэхнічных навук, прафесар;
- Лукін Мікалай Андрэевіч, намеснік дырэктара па навуковай рабоце Усерасійскага навукова-даследчага інстытута крухмалапрадуктаў – філіяла ФДБНУ «ФНЦ харчовых сістэм імя В.М. Гарбатава» РАН, доктар тэхнічных навук, прафесар;
- Цю Людміла Васільеўна, кіраўнік Сібірскага навукова-даследчага інстытута эканомікі сельскай гаспадаркі Сібірскага федэральнага навуковага цэнтра аграбіятэхналогій Расійскай акадэміі навук, доктар эканамічных навук, прафесар;
1 прадстаўнік ад Казахстана:
- Ясполаў Тлякцес Ісабаевіч, Старшыня праўлення – рэктар НАТ «Казахскі нацыянальны аграрны даследчы ўніверсітэт», віцэ-прэзідэнт Нацыянальнай акадэміі навук Казахстана, старшыня Аддзялення аграрных навук НАН Казахстана, доктар эканамічных навук, акадэмік, прафесар;
2 вучоныя ад Кыргызскай Рэспублікі:
- Чартанбаеў Тыргаот Джумадыевіч, прарэктар па навуцы Кыргызскага нацыянальнага аграрнага ўніверсітэта імя К. Скрабіна, доктар сельскагаспадарчых навук, прафесар;
- - Урсубаліеў Біржан Кубатавіч, загадчык групы генетычных рэсурсаў раслін Кыргызскага навукова-даследчага інстытута земляробства, доктар філасофіі ў галіне сельскай гаспадаркі.

Былі заслуханы наступныя даклады:
1. «Селекцыя збожжавых, зернебабовых, кармавых і тэхнічных культур у Рэспубліцы Беларусь і напрамкі міжрэгіянальнага супрацоўніцтва ў селекцыі».
Дакладчык: Урбан Эрома Пятровіч, намеснік генеральнага дырэктара рэспубліканскага ўнітарнага прадпрыемства «Навукова-практычны цэнтр Нацыянальнай акадэміі навук Беларусі па земляробстве», член-карэспандэнт, доктар сельскагаспадарчых навук, прафесар;
2. «Селекцыя бульбы, пладовых культур і агародніны ў Рэспубліцы Беларусь і міжнароднае супрацоўніцтва вучоных-селекцыянераў».
Дакладчык: Маханько Вадзім Леанідавіч, генеральны дырэктар рэспубліканскага ўнітарнага прадпрыемства «Навукова-практычны цэнтр Нацыянальнай акадэміі навук Беларусі па бульбаводстве і плодаагародніцтве», кандыдат сельскагаспадарчых навук, дацэнт;
3. 3. «Генафонд і селекцыя сельскагаспадарчых культур у Казахстане».
Дакладчык: Цірэуаў Канат Маратавіч, намеснік Старшыні праўлення – правост, акадэмік Нацыянальнай акадэміі навук Рэспублікі Казахстан, доктар эканамічных навук, прафесар.

Старшынёй Навуковага савета П.П. Казакевічам было прапанавана правесці наступнае пасяджэнне на тэму забеспячэння харчовай бяспекі краін-прадстаўніц Навуковага савета. Арыенціровачна плануецца правесці яго ў красавіку-маі 2022 г. Магчымым месцам наступнага пасяджэння Навуковага савета па аграрных праблемах МААН стане Сібірскае Аддзяленне Расійскай акадэміі навук (г. Новасібірск), у якім адначасова будзе праведзена Міжнародная навукова-практычная канферэнцыя «Аграрная навука – сельскагаспадарчай вытворчасці Сібіры, Казахстана, Манголіі, Беларусі і Балгарыі».