7 кастрычніка 2021 г. на базе Інстытута жыллёва-камунальнай гаспадаркі НАН Беларусі (Мінск, вул. Акадэміка Купрэвіча, 10) адбылося ўрачыстае адкрыццё ІІІ Міжнароднай канферэнцыі «Навукова-тэхнічны прагрэс у жыллёва-камунальнай гаспадарцы», арганізаванай Нацыянальнай акадэміяй навук Беларусі і Міністэрствам жыллёва-камунальнай гаспадаркі Рэспублікі Беларусь.

Падчас форуму вучоныя і спецыялісты абмеркавалі пытанні інавацыйнай мадэрнізацыі тэхналогій водазабеспячэння і водаадвядзення, папярэджання забруджвання крыніц водазабеспячэння, кіравання і выкарыстання асадкаў сцёкавых вод, развіцця сістэм цеплазабеспячэння, эксплуатацыі будынкаў, аднаўляльных альтэрнатыўных крыніц энергіі для жыллёва-камунальнай гаспадаркі. Не засталіся без увагі праблемы экалогіі гарадскога камунальнага асяроддзя, перапрацоўкі і прыцягнення цвёрдых камунальных адходаў у гаспадарчы абарот у якасці другаснай сыравіны і змяншэння аб’ёмаў іх утварэння, актуальныя праблемы малых населеных пунктаў, лічбавізацыі працэсаў і адукацыі ў сферы жыллёва-камунальнай гаспадаркі.

У канферэнцыі, што прайшла 7-8 кастрычніка 2021 года, прынялі ўдзел кіраўнікі Міністэрства жыллёва-камунальнай гаспадаркі Рэспублікі Беларусь, прадстаўнікі Міністэрства прыродных рэсурсаў і аховы навакольнага асяроддзя Рэспублікі Беларусь, кіраўніцтва Дэпартамента па энергаэфектыўнасці Дзяржаўнага камітэта па стандартызацыі Рэспублікі Беларусь, Нацыянальнай акадэміі навук Беларусі, а таксама арганізацыі сістэмы Мінжылкамгаса, інстытуты і прадпрыемствы НАН Беларусі, ВНУ і іншыя арганізацыі.

У рамках форуму была арганізавана выстава інавацыйных распрацовак для сістэмы ЖКГ, у якой прынялі ўдзел арганізацыі розных напрамкаў сістэмы ЖКГ. Вынікі навуковых дыскусій і даклады ўдзельнікаў канферэнцыі апублікаваны ў выглядзе асобнага зборніка.
Поўная праграма канферэнцыі размешчана на сайце;https://institut-gkh.by/