Нацыянальная акадэмія навук Беларусі, Міністэрства жыллёва-камунальнай гаспадаркі Рэспублікі Беларусь і Інстытут жыллёва-камунальнай гаспадаркі НАН Беларусі 17 - 18 лютага 2022 г. праводзяць Міжнародную навукова-практычную канферэнцыю «Новыя метады і тэхналогіі ў водазабеспячэнні і водаадвядзенні» (на базе санаторыя «Крыніца», аг. Ждановічы).

На канферэнцыі будуць прадстаўлены і абмеркаваны вынікі навуковых даследаванняў і лепшыя практыкі ў тэхналагічных працэсах водаправодна-каналізацыйнай гаспадаркі (далей – ВКГ) ад навуковых арганізацый, прадпрыемстваў водазабеспячэння і водаадвядзення, ВНУ, прадпрыемстваў МЖКГ, а таксама замежных арганізацый. Канферэнцыя будзе праводзіцца па наступных напрамках: водазабеспячэнне, водаадвядзенне, эканоміка водаправодна-каналізацыйнай гаспадаркі, дзяржаўнае рэгуляванне і кіраванне ў галіне ВКГ, павышэнне якасці паслуг, інфармацыйныя тэхналогіі ў водаправодна-каналізацыйнай гаспадарцы, падрыхтоўка кадраў у галіне тэхналогій водападрыхтоўкі, ачысткі сцёкавых вод і арганізацыі водакарыстання.

У канферэнцыі прымуць удзел кіраўнікі Міністэрства жыллёва-камунальнай гаспадаркі Рэспублікі Беларусь, Міністэрства архітэктуры і будаўніцтва Рэспублікі Беларусь, Міністэрства прыродных рэсурсаў і аховы навакольнага асяроддзя Рэспублікі Беларусь, Міністэрства аховы здароўя Рэспублікі Беларусь, Нацыянальнай акадэміі навук Беларусі, а таксама прадстаўнікі прадпрыемстваў водазабеспячэння і водаадвядзення, арганізацый сістэмы МЖКГ, арганізацый НАН Беларусі, ВНУ і іншых арганізацый.

Вынікі навуковых дыскусій і тэзісы дакладаў апублікаваны ў выглядзе асобнага зборніка. Поўная праграма канферэнцыі размешчана на сайце https://institut-gkh.by/.