22 красавіка 2022 года ў 9.30 у РУП «Навукова-практычны цэнтр НАН Беларусі па харчаванні» (г. Мінск, вул. Казлова, 29) пачаўся Круглы стол «Спецыялізаванае харчаванне дзяцей: стратэгія, якасць і інавацыі». Арганізатары мерапрыемства – НАН Беларусі і Беларускі саюз жанчын. У яго рабоце прымаюць удзел прадстаўнікі дзяржаўных органаў, якія ажыццяўляюць паўнамоцтвы ў сферы вытворчасці і рэалізацыі дзіцячага харчавання, грамадскія арганізацыі і аб’яднанні спажыўцоў.

Абмяркоўваюцца праблемныя пытанні развіцця і навуковага суправаджэння індустрыі дзіцячага харчавання, функцыянальных і спецыялізаваных прадуктаў для дзяцей, сучаснага стану і перспектыў сістэмы заканадаўчага рэгулявання спецыялізаванага харчавання дзяцей, прынцыпаў дыетатэрапіі пры парушэннях статусу харчавання пры лішку і дэфіцыце масы цела ў дзяцей дашкольнага і школьнага ўзросту, а таксама новыя распрацоўкі вучоных у галіне дзіцячага спецыялізаванага харчавання для хворых на фенілкетанурыю.

У праграме Круглага стала – знаёмства з работай лабараторыі «Функцыянальнае харчаванне», майстар-клас па метадах сэнсарнай ацэнкі спецыялізаваных вырабаў, дэгустацыйная ацэнка спецыялізаваных і ўзбагачаных прадуктаў харчавання для дзяцей.