Цэнтр фізічнага выхавання ДУА «Інстытут падрыхтоўкі навуковых кадраў НАН Беларусі» (г. Мінск, вул. Каліноўскага, 74а) запрашае 27 красавіка ў 17.00 на прэзентацыйны занятак па кітайскай гімнастыцы тайцзіцюань.

Пры наведванні Кітая ранкам або вечарам можна ўбачыць на плошчах людзей, якія робяць плаўныя павольныя рухі – гэта, хутчэй за ўсё, заняткі тайцзіцюань.

Навучанне прадугледжвае і тэорыю, і практыку. Працэс авалодання мастацтвам тайцзіцюань уключае некалькі этапаў удасканальвання ад знешняга да ўнутранага. У аснове практык тайцзіцюань ляжыць пошук балансу. Мэта дасягаецца пры дапамозе паслядоўнага паўтарэння павольных плаўных рухаў з выкананнем усіх прынцыпаў тайцзіцюань. Адначасова з работай над удасканальваннем цела чалавек спасцігае магчымасці валодання сваімі эмоцыямі, хуткага арыентавання ў складаных сітуацыях, бо тайцзіцюань забяспечвае як фізічны, так і духоўны балансы. Заняткі дазваляюць палепшыць фізічнае і псіхічнае здароўе, павысіць разумовую актыўнасць. Групы на занятках па тайцзіцюань могуць аб’ядноўваць людзей сталага і сярэдняга ўзросту, аспірантаў і студэнтаў, калі яны жадаюць займацца аздараўленчай практыкай.

Прэзентацыйны занятак праводзіць Скарнякоў Яўген Кірылавіч, вядучы інструктар-метадыст міжнароднай школы сёння практыкуючага кітайскага майстра Вэйцзя Сяа (г. Пекін, http://tjqdao.ru/), яго вучань. Мае вышэйшую спартыўную адукацыю (спецыялізацыя – усходнія адзінаборствы), доўгі час выкладаў на кафедры фізічнай рэабілітацыі Беларускага дзяржаўнага ўніверсітэта фізічнай культуры. Тройчы стажыраваўся ў Кітаі, сумесна з майстрам Сяа распрацаваў методыку паэтапнага выкладання тайцзіцюань.