У НАН Беларусі адбылося чарговае пасяджэнне Рэспубліканскай міжведамаснай рабочай групы па пераадоленні COVID-19 пад кіраўніцтвам Старшыні Прэзідыума НАН Беларусі Уладзіміра Гусакова. Нягледзячы на тое, што пандэмія пайшла на спад, праблема каронавіруснай інфекцыі не страчвае сваёй актуальнасці. Цяпер перад вучонымі і ўрачамі стаіць новы выклік – воспа малпаў.

Загадчык кафедры інфекцыйных хвароб і дзіцячых інфекцый БелМАПА Юрый Горбіч выступіў з дакладам «COVID-19. Бактэрыяльныя ўскладненні. Сепсіс». Апошнімі данымі аб амікрон-штаме COVID-19 падзялілася дацэнт кафедры інфекцыйных хвароб БДМУ Святлана Лукашык. Асаблівую ўвагу ўдзялілі асаблівасцям працякання каронавіруснай інфекцыі ў пацыентаў, якія пакутуюць на сіндром Жыльбера (СЖ). Святлана Лукашык таксама расказала пра эпідэміялогію, патагенез, дыягностыку, прафілактыку і лячэнне віруса воспы малпаў.