9 ліпеня 2022 года намеснік кіраўніка Міжнароднай асацыяцыі акадэмій навук, начальнік упраўлення аэракасмічнай дзейнасці апарата НАН Беларусі Пётр Віцязь прыняў удзел у афіцыйнай цырымоніі адкрыцця гісторыка-культурнага комплексу сусветнага значэння «Шульган-Таш» і пленарнай сесіі «Еўрапейскі вектар міжнароднага навукова-тэхналагічнага супрацоўніцтва “Разварот на Усход”».

У ходзе абазначаных мерапрыемстваў П. Віцязь выступіў з прывітальным словам ад імя Старшыні Прэзідыума НАН Беларусі У. Р. Гусакова і прадставіў даклад «Навукова-тэхналагічнае супрацоўніцтва Беларусі і Расіі: пытанні інтэграцыі і ўзмацнення кааперацыйных сувязей».

П. Віцязь правёў перамовы з прадстаўнікамі навуковых арганізацый Башкартастана аб развіцці супрацоўніцтва ў галіне навукі і тэхналогій, падчас якіх былі намечаны дадатковыя меры па прасоўванні ўзаемадзеяння на аснове дзеючых пагадненняў НАН Беларусі: з Акадэміяй навук Рэспублікі Башкартастан і Міністэрствам сельскай гаспадаркі Рэспублікі Башкартастан.