З мэтай выканання Мемарандума аб супрацоўніцтве паміж Нацыянальнай акадэміяй навук Беларусі і Міністэрствам інавацыйнага развіцця Рэспублікі Узбекістан у верасні 2022 года Універсітэтам НАН Беларусі была арганізавана стажыроўка выкладчыкаў Тэрмезскага дзяржаўнага ўніверсітэта.

Стажыроўка праходзіла на базе ДНВА «НПЦ НАН Беларусі па біярэсурсах», ДНУ «Цэнтральны батанічны сад НАН Беларусі», Інстытута мовазнаўства імя Якуба Коласа НАН Беларусі, ДНУ «Інстытут фізіка-арганічнай хіміі НАН Беларусі».

У ходзе месячнай стажыроўкі былі даследаваны малекулярна-генетычная ідэнтыфікацыя відаў наземных малюскаў і рыб Узбекістана і Беларусі, функцыянальна-семантычныя тыпы аптатыўных сказаў у рускай, узбекскай і беларускай мовах, структура і ўласцівасці мембран для ультрафільтрацыі, вывучаны працэс інтрадукцыі карысных у гаспадарцы відаў раслін сусветнай флоры і метады іх рацыянальнага выкарыстання.

Вучоныя з Узбекістана адзначаюць высокі ўзровень навуковых ведаў вучоных НАН Беларусі і навуковых распрацовак нашых інстытутаў.

Па выніках стажыроўкі рэктар Універсітэта НАН Беларусі М.Г. Жылінскі ўручыў пасведчанні аб праходжанні стажыроўкі дзяржаўнага ўзору.