11 кастрычніка 2022 года ў Нацыянальным прэс-цэнтры Рэспублікі Беларусь адбылася прэс-канферэнцыя «Навуковае суправаджэнне фармацэўтычнай і мікрабіялагічнай галін Беларусі. Перспектыўныя распрацоўкі айчыннай канкурэнтаздольнай фармацэўтычнай прадукцыі», прымеркаваная да Дня работнікаў фармацэўтычнай і мікрабіялагічнай прамысловасці Беларусі.

У якасці спікераў на мерапрыемстве выступілі Алена Калінічэнка, намеснік дырэктара па навуковай і інавацыйнай рабоце – начальнік НПЦ «ХімФармСінтэз» ДНУ «Інстытут біяарганічнай хіміі НАН Беларусі», доктар хімічных навук, член-карэспандэнт НАН Беларусі; Аляксандр Шэпшалеў, дырэктар ДНУ «Інстытут мікрабіялогіі НАН Беларусі», кандыдат тэхнічных навук; Наталля Антаневіч, загадчык лабараторыі імуналогіі і клетачнай тэрапіі ДНУ «Інстытут біяфізікі і клетачнай інжынерыі НАН Беларусі», кандыдат біялагічных навук.

Як падкрэсліла падчас прэс-канферэнцыі Алена Калінічэнка, фармпрамысловасць у Беларусі, нягледзячы на няпросты час, выстаяла і развіваецца, у Інстытуце ў гэтым годзе практычна завершаны 2 распрацоўкі: імпартазамяшчальныя прэпараты анкагематалагічнай накіраванасці, якія раней каштавалі краіне дзясяткі мільёнаў долараў (плануецца з пачатку наступнага года выйсці з імі на ўнутраны рынак, а затым і ў Расію). Аляксандр Шэпшалеў расказаў пра апошнія распрацоўкі вучоных для сельскай гаспадаркі, прамысловасці, медыцыны і аховы навакольнага асяроддзя, пра выпуск вопытных партый біяпрэпаратаў рознага прызначэння. Наталля Антаневіч, у сваю чаргу, падрабязна праінфармавала прадстаўнікоў СМІ аб распрацоўцы метадаў лячэння і медыцынскай прафілактыкі захворванняў чалавека з выкарыстаннем біямедыцынскіх клетачных прадуктаў, а таксама аб апрабацыі, укараненні і практычнай рэалізацыі інавацыйных метадаў лячэння з прымяненнем клетачных тэхналогій, распрацоўцы новых метадаў ацэнкі эфектыўнасці клетачнай тэрапіі.