21 кастрычніка 2022 г. пярвічная арганізацыя ГА «Беларускі саюз жанчын НАН Беларусі» сумесна з Інстытутам эканомікі НАН Беларусі, Інстытутам сацыялогіі НАН Беларусі на базе Цэнтральнай навуковай бібліятэкі НАН Беларусі правялі круглы стол «Я – бацька», прысвечаны Дню бацькі ў Рэспубліцы Беларусь.

З прывітальнымі словамі выступілі старшыня пярвічнай арганізацыі ГА «Беларускі саюз жанчын НАН Беларусі» Юлія Васільеўна Качурка і старшыня Першамайскай раённай арганізацыі ГА «Беларускі саюз жанчын» Ірына Мікалаеўна Жарыкава.

Пачаў дыялог пра значнасць ролі бацькі і адказнасць, якая за гэтым стаіць, галоўны вучоны сакратар НАН Беларусі Васіль Леанідавіч Гурскі. Настрой свята стварылі шматдзетныя бацькі, якія падзяліліся сваім вопытам сумяшчэння працоўнай дзейнасці з выхаваннем дзяцей. Сярод выступоўцаў былі дырэктар Цэнтра сістэмнага аналізу і стратэгічных даследаванняў Валерый Валер’евіч Ганчароў, дырэктар Цэнтральнай навуковай бібліятэкі НАН Беларусі, старшыня Савета маладых вучоных НАН Беларусі Станіслаў Сцяпанавіч Юрэцкі, старшыня Аб’яднанай галіновай прафсаюзнай арганізацыі работнікаў НАН Беларусі Іван Андрэевіч Бараноўскі, старшы выкладчык кафедры крымінальнага права Акадэміі МУС і пераможца конкурсу «Лепшая шматдзетная сям’я года» Уладзіслаў Васільевіч Трыкоза, старшы навуковы супрацоўнік аддзела новых тэхналогій і тэхнікі РУП «Навукова-практычны цэнтр па харчаванні» Аляксандр Аркадзьевіч Літвінчук.