23-24 лістапада 2022 года ў НАН Беларусі праходзіць візіт дэлегацыі Міністэрства навукі, тэхналогій і навакольнага асяроддзя Рэспублікі Куба на чале з намеснікам міністра сп. Арманда Радрыгесам Батыста.

23 лістапада 2022 года адбылася сустрэча Старшыні Прэзідыума НАН Беларусі Уладзіміра Гусакова з намеснікам міністра навукі, тэхналогій і навакольнага асяроддзя Рэспублікі Куба сп. Арманда Радрыгесам Батыста. У ходзе сустрэчы бакі абмеркавалі перспектыўныя напрамкі развіцця супрацоўніцтва, у прыватнасці, у галіне фізікі, матэматыкі, інфарматыкі, нанатэхналогій, біятэхналогій і аграрных навук, правядзенне сумесных беларуска-кубінскіх конкурсаў навуковых праектаў. Таксама бакі дамовіліся сфарміраваць і накіраваць у НАН Беларусі групу кубінскіх вучоных для наведвання арганізацый НАН Беларусі і прапрацоўкі канкрэтных прапаноў па развіцці супрацоўніцтва. Госці азнаёміліся з апошнімі распрацоўкамі вучоных на пастаянна дзеючай выставе НАН Беларусі «Дасягненні айчыннай навукі - вытворчасці».

У праграме - наведванне Інстытута фізікі імя Б. І. Сцяпанава НАН Беларусі і НПЦ НАН Беларусі па харчаванні.