Дэлегацыя РУП «Навукова-практычны цэнтр НАН Беларусі па земляробстве» на чале з генеральным дырэктарам Фёдарам Прывалавым прыняла ўдзел у працы V Вавілаўскай Міжнароднай навуковай канферэнцыі, прысвечанай 135-годдзю з дня нараджэння выдатнага вучонага – батаніка, генетыка, заснавальніка сусветнай калекцыі культурных раслін акадэміка Мікалая Іванавіча Вавілава.

На адкрыцці Міжнароднай канферэнцыі генеральны дырэктар Цэнтра Ф. І. Прывалаў выступіў з прывітальным словам, падкрэсліўшы важную ролю генетычных рэсурсаў раслін у забеспячэнні харчовай бяспекі, а таксама прыярытэты супрацоўніцтва паміж Усерасійскім інстытутам раслінаводства і НПЦ па земляробстве ў галіне збору, вывучэння і захавання генетычных рэсурсаў раслін. У працы канферэнцыі прынялі ўдзел вядучыя навукоўцы Расіі, Арменіі, Казахстана, Беларусі. Спецыялісты абмеркавалі шляхі вырашэння глабальных задач павышэння якасці і прадукцыйнасці сельскагаспадарчых культур і ўключэння ў гаспадарчы абарот новых культур.