21 лютага 2023 г. у 15.00 Дзяржаўная ўстанова адукацыі «Універсітэт Нацыянальнай акадэміі навук Беларусі» (г. Мінск, вул. Радыяльная, 38б, аўд. 100) запрашае прыняць удзел у Дні адчыненых дзвярэй. Мэта — знаёмства з пералікам спецыяльнасцей, праграмамі падрыхтоўкі і спецыфікай навучання ў магістратуры ўніверсітэта НАН Беларусі, навукова-даследчай работай, а таксама ўмовамі пражывання ў інтэрнаце, працай цэнтра фізічнага выхавання.

У мерапрыемстве прымуць удзел студэнты выпускных курсаў устаноў адукацыі, супрацоўнікі навуковых інстытутаў і арганізацый НАН Беларусі, а таксама асобы, зацікаўленыя ў атрыманні паглыбленай вышэйшай адукацыі.

Мерапрыемства пройдзе ва ўпадабаным фармаце і абяцае быць яркім і насычаным.
У рамках Дня адчыненых дзвярэй удзельнікам будуць прапанаваныя:
1) цыклы лекцый, тэматычных семінараў па актуальных тэмах (напрыклад, біялагічныя, медыцынскія і сельскагаспадарчыя даследаванні ў НАН Беларусі; генетычна мадыфікаваныя арганізмы: міфы і рэальнасць; 3D-друк — перспектыўны інавацыйны напрамак у навуцы і вытворчасці; нанатэхналогіі ў свеце і Беларусі; хімія нуклеазідаў і нуклеатыдаў для фармацэўтычнай галіны; беларуская вылічальная тэхніка: ад Мінск-1 да суперкамп’ютараў і інш.);
2) наглядная інфармацыя аб прыёме ў магістратуру, аб адукацыйных праграмах паглыбленай вышэйшай адукацыі (магістратура), што рэалізуюцца ва ўніверсітэце, аб арганізацыі адукацыйнага працэсу;
3) інфармацыя аб магчымасцях праходжання стажыровак за мяжой у вядучых міжнародных навуковых цэнтрах і далейшага працягу навучання ў аспірантуры;
4) інфармацыя аб магчымасці працаўладкавання ў навуковыя арганізацыі Нацыянальнай акадэміі навук Беларусі;
5) выстаўка навуковых работ студэнтаў, выпускнікоў і работнікаў Універсітэта;
6) відэаролікі аб магчымасці і перспектывах навучання ў магістратуры Нацыянальнай акадэміі навук Беларусі.

У гэты дзень госці мерапрыемства змогуць падрабязна пазнаёміцца з асаблівасцямі навучання ва Універсітэце ў вочнай (дзённай) і завочнай форме.
Кіраўніцтва ВНУ, прадстаўнікі прыёмнай камісіі і магістранты раскажуць абітурыентам аб парадку паступлення, адукацыйным працэсе і далейшай працы выпускнікоў магістратуры.