11 красавіка 2023 года ў фармаце «круглага стала» прайшоў Дзень якасці плодаагародніннай прадукцыі для школьнага і дашкольнага харчавання, арганізаваны НПЦ НАН Беларусі па харчаванні. У прывітальным слове генеральны дырэктар Аляксей Меляшчэня адзначыў, што мэта Дня якасці — азнаёміць спажыўцоў з існуючым асартыментам прадукцыі, абмеркаваць праблемныя пытанні і ўмацаваць кантакты паміж профільнымі арганізацыямі.

У ходзе мерапрыемства паміж удзельнікамі завязалася захопленая дыскусія па прапанаваных пытаннях, у тым ліку аб смакавых якасцях прадукцыі для школьнага і дашкольнага харчавання, яе складзе, упакоўцы і дыстрыбуцыі. Прысутныя прадэгуставалі больш за 35 узораў плодаагародніннай кансерваванай прадукцыі айчыннай вытворчасці для школьнага і дашкольнага харчавання.

У мерапрыемстве прынялі ўдзел прадстаўнікі 7 арганізацый-вытворцаў дзіцячага плодаагародніннага харчавання, арганізацый школьнага харчавання абласцей Рэспублікі Беларусь і горада Мінска, Міністэрства аховы здароўя Рэспублікі Беларусь, канцэрна «Белдзяржхарчпрам», Міністэрства антыманапольнага рэгулявання і гандлю Рэспублікі Беларусь, УА «Беларускі дзяржаўны ўніверсітэт харчовых і хімічных тэхналогій».