Паважаныя калегі!

Ад імя Прэзідыума Нацыянальнай акадэміі навук Беларусі і ад сябе асабіста віншую Вас з Днём Кастрычніцкай рэвалюцыі.

Гэта свята нашай гісторыі, пра яго памятаюць і старыя, і сярэдняе пакаленне. Восень 1917 года адкрыла новую эпоху ў развіцці чалавецтва, ператварыла ў жыццё такія асноўныя прынцыпы, як права нацый на самавызначэнне, павага да людзей працы, сацыяльная справядлівасць. З таго часу мінула ўжо 106 гадоў. Можна па-рознаму ставіцца да падзей мінулага, ацэньваючы тых ці іншых гістарычных дзеячаў. Аднак менавіта Кастрычніцкая рэвалюцыя зрабіла магчымым стварэнне беларускай дзяржавы, рэалізавала законнае права нашага народа на самавызначэнне, развіццё сваёй культуры і ўмацаванне нацыянальнага адзінства. Яна стварыла ўмовы для ўтварэння Савецкага Саюза, які забяспечыў Вялікую Перамогу ў самай страшнай і крывавай Другой сусветнай вайне. Бясплатныя адукацыя і медыцынскае абслугоўванне, васьмігадзінны працоўны дзень, ліквідацыя саслоўных прывілеяў, свабода сумлення і роўнасць грамадзянскіх правоў жанчын і мужчын — гэтыя і іншыя даброты, якія ўяўляюцца нам сёння натуральнымі і неад’емнымі, складаюць заваёву той пары.

Дзень Кастрычніцкай рэвалюцыі адзначаецца ў нашай краіне як сімвал павагі да традыцый і дасягненняў папярэдніх пакаленняў. Ён нясе абнаўленне, новыя надзеі на светлую будучыню, згоду і развіццё, вернасць працоўным здзяйсненням. Гэта асабліва важна ў Год міру і стваральнай працы, які праходзіць у нашай краіне па прапанове Прэзідэнта Рэспублікі Беларусь Аляксандра Рыгоравіча Лукашэнкі.

Упэўнены, што сваім розумам, талентам і працавітасцю мы захаваем, памножым і перададзім нашчадкам наш бясцэнны нацыянальны здабытак — суверэнную Беларусь.

Ад усёй душы жадаю ўсім вам, дарагія калегі, моцнага здароўя, шчасця, поспехаў і навуковых дасягненняў у імя нашай любімай Радзімы.

Са святам!

Уладзімір Гусакоў,
Старшыня Прэзідыума НАН Беларусі, акадэмік