16 ліпеня 2024 года НАН Беларусі наведала дэлегацыя Ваеннай акадэміі Рэспублікі Беларусь на чале з начальнікам Ваеннай акадэміі РБ Андрэем Гарбаценкам.

Госці азнаёміліся з найноўшымі распрацоўкамі вучоных на пастаянна дзеючай выставе НАН Беларусі «Дасягненні айчыннай навукі — вытворчасці». Адбылася сустрэча са Старшынёй Прэзідыума НАН Беларусі Уладзімірам Гусаковым, на якой таксама прысутнічалі прадстаўнікі профільных арганізацый НАН Беларусі.

Бакі абмеркавалі перспектывы далейшага супрацоўніцтва НАН Беларусі і ВА РБ. Прадстаўнікоў Ваеннай акадэміі зацікавілі распрацоўкі НАН Беларусі ў галіне радыёэлектроннай барацьбы, штучнага інтэлекту, БЛА і інш. Бакі дамовіліся аб фарміраванні Дарожнай карты сумесных праектаў НАН Беларусі і ВА РБ, а таксама аб правядзенні заняткаў па гісторыі Беларусі на базе Інстытута гісторыі НАН Беларусі для курсантаў ВА РБ.