17 ліпеня 2024 г. у Нацыянальным Прэс-цэнтры Рэспублікі Беларусь адбылася прэс-канферэнцыя «Развіццё металургічнай галіны Беларусі. Навуковыя дасягненні і будучыня беларускай металургіі», прысвечаная Дню металурга. У якасці спікераў ад НАН выступілі першы намеснік дырэктара — намеснік дырэктара па навуцы Інстытута парашковай металургіі НАН Беларусі Вадзім Савіч і дырэктар Інстытута тэхналогіі металаў НАН Беларусі Анатоль Жыгалаў. На прэс-канферэнцыі навукоўцы расказалі пра напрамкі даследаванняў у галіне металургіі і новыя распрацоўкі для гэтай галіны.

Дзень металурга ў Беларусі па Указе Прэзідэнта РБ ад 26 сакавіка 1998 года №157 «Аб дзяржаўных святах, святочных днях і памятных датах у Рэспубліцы Беларусь» адзначаецца штогод у трэцюю нядзелю ліпеня. У 2024 годзе гэта прафесійнае свята прыпадае на 21 ліпеня.