26 ліпеня 2024 года Старшыня Прэзідыума НАН Беларусі Уладзімір Гусакоў уручыў нагрудны знак «За заслугі перад Нацыянальнай акадэміяй навук Беларусі» намесніку генеральнага дырэктара па касмічных комплексах і сістэмах дзяржкарпарацыі «Раскосмас» Міхаілу Хайлову. Міхаіл Мікалаевіч удастоены высокай узнагароды за значны ўклад у пашырэнне міжнародных навуковых сувязяў, умацаванне міжнароднага навукова-тэхнічнага супрацоўніцтва ў касмічнай сферы паміж Нацыянальнай акадэміяй навук Беларусі і дзяржаўнай карпарацыяй па касмічнай дзейнасці «Раскосмас».

Уладзімір Гусакоў адзначыў: «На сучасным этапе ў Расіі і Беларусі істотна павялічыліся патрэбы карыстальнікаў да характарыстык касмічнай інфармацыі, якая даецца дзеючай сумеснай групоўкай спадарожнікаў ДЗЗ. У сувязі з гэтым, прэзідэнтамі нашых краін А. Р. Лукашэнкам і У. У. Пуціным у 2017 годзе прынята рашэнне аб стварэнні расійска-беларускага касмічнага апарата ДЗЗ (РБКА) з прасторавым разрозненнем 0.35 м., які не саступае па тэхніка-эканамічных характарыстыках найлепшым сусветным аналагам. Рэалізацыя гэтага праекта была ўскладзена на НАН Беларусі і дзяржкарпарацыю «Раскосмас». Як адзначыў на ўрачыстай цырымоніі Уладзімір Гусакоў, менавіта Міхаіл Хайлоў стаяў ля вытокаў праекта па стварэнні расійска-беларускага касмічнага апарата ДЗЗ, з 2017 года з’яўляецца яго нязменным кіраўніком з боку дзяржкарпарацыі «Раскосмас» па цяперашні час.