29–30 жніўня 2024 г. адбыўся міжнародны форум для спецыялістаў малочнай індустрыі «Інавацыйныя тэхналогіі і абсталяванне для малочнай прамысловасці». У мерапрыемстве прынялі ўдзел спецыялісты Беларусі, Расіі, Казахстана. Галоўны арганізатар мерапрыемства — РУП «Інстытут мяса-малочнай прамысловасці». Мэта форуму — разгледзець асноўныя напрамкі тэхніка-тэхналагічнага развіцця малочнай прамысловасці і актуальныя пытанні малочнага рынку, а таксама азнаёміцца з інавацыйнымі тэхнічнымі рашэннямі для малакаперапрацоўчых вытворчасцей.

Сярод асноўных тэм — тэндэнцыі развіцця малочнага рынку, навуковыя распрацоўкі і інавацыйныя тэхналогіі вытворчасці малочных прадуктаў, тэхналагічнае абсталяванне і працэсы, тэхнічныя рашэнні па фасоўцы і ўпакоўцы прадуктаў, эфектыўная мадэрнізацыя прадпрыемстваў, гігіена і рэсурсазберажэнне на малакаперапрацоўчых прадпрыемствах. Стаўшы традыцыйным галіновым мерапрыемствам, форум штогод збірае шырокае кола спецыялістаў і экспертаў малочнай галіны з Беларусі і краін блізкага замежжа.