НАН Беларусі далучылася да рэспубліканскай акцыі «Спіна да спіны» па зборы гуманітарнай дапамогі для жыхароў Курскай вобласці. Мэта акцыі — дапамагчы тым людзям, хто быў вымушаны пакінуць свой дом, пакінуць свой побыт і ранейшы ўклад жыцця.

На сабраныя сродкі неабыякавых супрацоўнікаў Нацыянальнай акадэміі навук Беларусі былі закуплены цёплыя коўдры, падушкі, камплекты пасцельнай бялізны беларускай вытворчасці, якія будуць перададзены ў месцы часовага рассялення жыхароў Курскай вобласці.

Арганізатарам акцыі выступіла арганізацыя па вытворчым прынцыпе РГА «Белая Русь» Нацыянальнай акадэміі навук Беларусі.

Па ініцыятыве РГА «Белая Русь» у Рэспубліцы Беларусь праходзіць дабрачынная акцыя «Спіна да спіны» па аказанні гуманітарнай дапамогі жыхарам Курскай вобласці і рэгіёнам Расійскай Федэрацыі, якія пацярпелі ад баявых дзеянняў.