22 студзеня 2025 года ў 13.00 Нацыянальная акадэмія навук Беларусі запрашае наведаць унікальную падзею, прысвечаную космасу, якая пройдзе ў рамках выставы «МАЯ БЕЛАРУСЬ» у Мінскім міжнародным выставачным цэнтры (г. Мінск, вул. Паўліны Мядзёлкі, 24). Гэта рэдкая магчымасць пагрузіцца ў свет касмічных даследаванняў і дасягненняў, даведацца пра ўклад беларускіх навукоўцаў у даследаванне космасу, а таксама сустрэцца з сапраўднымі касманаўтамі.

Праграма мерапрыемства:

13.00 – Квіз «Уклад беларусаў у даследаванне космасу» – Аляксандра Смагіна: Iнтэрактыўная віктарына, якая пакажа дасягненні беларусаў у засваенні космасу.

13.30 – Лекцыя «Аб біяаналагу лактаферыну чалавека, які пабываў у космасе» – Аляксандр Будзевіч: Даведайцеся аб важных навуковых эксперыментах і іх выніках у касмічных умовах.

14.00 – Лекцыя «Ад наждачнай паперы да ювелірных вырабаў – яркія грані карбіду крэмнію» – Валянціна Шчарбакова: Адкрыйце для сябе ўласцівасці карбіду крэмнію і яго прымяненне.

14.30 – Лекцыя «Оптыка ад Платона да мабільнага тэлефона» – Дзмітрый Несцяровіч: Падарожжа праз гісторыю оптыкі ад старажытнасці да нашых дзён.

15.00 – Сустрэча з удзельнікамі асноўнага экіпажа 21-й экспедыцыі на МКС – Алег Навіцкі і Марына Васілеўская: магчымасць задаць пытанні і даведацца пра жыццё на касмічнай станцыі.

Далучайцеся да нас, каб даведацца больш пра ўклад Беларусі ў касмічныя даследаванні і сустрэцца з сапраўднымі касманаўтамі!

Месца правядзення: Зона «Навука і інтэлект», Мінскі міжнародны выставачны цэнтр (г. Мінск, вул. Паўліны Мядзёлкі, 24).

Уваход на мерапрыемства бясплатны, рэгістрацыя не патрабуецца.