Восем праектаў Акадэміі навук прызнаныя лепшымі ў фінале рэспубліканскага праекта «100 ідэй для Беларусі»
4 красавіка 2025 года ў Нацыянальным дзіцячым тэхнапарку адбыўся фінал 14-га сезона рэспубліканскага маладзёжнага праекта «100 ідэй для Беларусі» па выніках 2024 года. Усяго на выставе было прадстаўлена 155 аўтарскіх распрацовак. Маладыя навукоўцы НАН Беларусі прадставілі 21 праект. Першы намеснік Старшыні Прэзідыума НАН Беларусі Сяргей Чыжык, акадэмікі-сакратары і кіраўнікі арганізацый прыйшлі падтрымаць нашых маладых фіналістаў. Як адзначыў Сяргей Чыжык: «Конкурс «100 ідэй для Беларусі» – гэта пляцоўка, каб прадэманстраваць сябе і свае ідэі. А для нас гэта своеасаблівы рынак спецыялістаў. Тут я бачу моладзь і які ў яе настрой на дзейнасць. І вельмі правільна, што яны сёння выдатна дэманструюць імкненне ў такіх новых кірунках, як штучны інтэлект, медыцына, кібербяспека. Я сустрэў праекты, якія прапануюць тэхнічныя рашэнні для ўдасканалення нашых машын, станкоў і абсталявання. І гэта ўсё – будучая канкурэнтаздольнасць нашай эканомікі. Таму такія конкурсы і трэба праводзіць».
На пасяджэнні рэспубліканскага экспертнага савета было вызначана 30 пераможцаў конкурсу ў 10 намінацыях.
Восем праектаў Акадэміі навук прызнаныя лепшымі ў фінале рэспубліканскага праекта «100 ідэй для Беларусі»:
Сідараў Ілля, НПЦ НАН Беларусі па матэрыялазнаўстве, праект «Цынк-іонны акумулятар»;
Сазанкоў Аляксей, НАН Беларусі, праект «Тэстар вынослівасці матэрыялаў»;
Рагальская Юлія, Ніканчук Віталь, Бярнацкая Дар'я, НПЦ НАН Беларусі па механізацыі сельскай гаспадаркі, праект «Машына для абслугоўвання кармавога стала буйной рагатай жывёлы»;
Вялюгіна Анастасія, Інстытут лесу НАН Беларусі, праект «Тэхналогія культывавання Герыцыя грабеньчатага»;
Давыдзенка Анастасія, Інстытут біяфізікі і клетачнай інжынерыі НАН Беларусі, праект «Мікрачып для алергадыягностыкі»;
Дзікая Анастасія, ІАНХ НАН Беларусі, праект «Тэхналогія перапрацоўкі вадкіх радыёактыўных адходаў»;
Карпенка Ганна, Шуманская Ксенія, Сальнікаў Данііл, АІПІ НАН Беларусі, БДУ, БДУІР, праект «Персанальны медыцынскі асістэнт»;
Напрэенка Вікторыя, Інстытут мяса-малочнай прамысловасці, праект «Харчаванне дзяцей – здароўе нацыі».
Усяго да ўдзелу ў рэспубліканскім маладзёжным праекце «100 ідэй для Беларусі» пададзена больш за 1,3 тыс. заявак з усёй краіны.
