Адбылася прэс-канферэнцыя, прымеркаваная да Сусветнага дня авіяцыі і касманаўтыкі
10 красавіка 2025 года ў Нацыянальным Прэс-цэнтры Рэспублікі Беларусь адбылася прэс-канферэнцыя, прымеркаваная да Сусветнага дня авіяцыі і касманаўтыкі. У прэс-канферэнцыі прынялі ўдзел: Марына Васілеўская – першая беларуская жанчына-касманаўт, Герой Беларусі; Пётр Віцязь – начальнік упраўлення аэракасмічнай дзейнасці НАН Беларусі, акадэмік НАН Беларусі; Іван Буча – намеснік начальніка ўпраўлення аэракасмічнай дзейнасці НАН Беларусі; Сяргей Залаты – дырэктар УП «Геаінфармацыйныя сістэмы» НАН Беларусі і Ірына Казачок – вядучы спецыяліст упраўлення аэракасмічнай дзейнасці апарата НАН Беларусі.
У рамках прэс-мерапрыемства навукоўцы Акадэміі навук прадставілі дасягненні Беларусі ў галіне касмічных тэхналогій, распавялі аб распрацоўцы навуковай праграмы і эксперыментаў у рамках палёту першага касманаўта РБ Марыны Васілеўскай на МКС, выніках палёту і многім іншым. На заканчэнне прэс-канферэнцыі навукоўцы адказалі на шматлікія пытанні журналістаў.
