НАН Беларусі прадстаўляе на выставе «Ахова здароўя Беларусі – 2025» больш за 140 распрацовак і тэхналогій
На Міжнароднай спецыялізаванай выставе «Ахова здароўя Беларусі – 2025 / Belarus Medica – 2025» 17 арганізацый НАН Беларусі прадстаўляюць больш за 140 распрацовак і тэхналогій.
Так, Аб'яднаны інстытут праблем інфарматыкі НАН Беларусі дэманструе распрацоўкі ў галіне штучнага інтэлекту і лічбавых медыцынскіх тэхналогій, уключаючы: рэспубліканскія і рэгіянальныя інфармацыйныя-аналітычныя сістэмы для аховы здароўя, камп'ютарнае мадэляванне патэнцыяльных лекавых прэпаратаў; выяўленне дыябетычнай рэтынапатыі і яе стадый па выявах сятчаткі на аснове глыбокага навучання і мяккіх вылічэнняў; даследаванні ў галіне бяспекі ШІ для падтрымкі медыцынскай дыягностыкі. Наведвальнікі выставы змогуць азнаёміцца з унікальнай устаноўкай для гіпергравітацыйнай тэрапіі ў краніа-каудальным напрамку, якая адкрывае новыя гарызонты ў лячэнні і рэабілітацыі пацыентаў. Гэта – распрацоўка спецыялістаў НПА Цэнтр. Бабруйскі завод біятэхналогій дэманструе шэраг дэзінфікуючых і антысептычных сродкаў, актуальных ва ўмовах барацьбы з інфекцыйнымі захворваннямі. Інстытут біяфізікі і клетачнай інжынерыі НАН Беларусі прадстаўляе шэраг дыягнастычных тэст-сістэм і біямедыцынскіх клетачных прадуктаў. Інстытут біяарганічнай хіміі НАН Беларусі паказвае новыя проціпухлінныя лекавыя сродкі, распрацаваныя ў НПЦ «ХімФармСінтэз». Інстытут генетыкі і цыталогіі НАН Беларусі прадстаўляе клінічны экзом: расшыфроўку і інтэрпрэтацыю даных, генетыку прыгажосці і сучасныя генетычныя тэхналогіі ў рэпрадуктыўнай медыцыне. Інстытут радыёбіялогіі НАН Беларусі дэманструе апошнія распрацоўкі: сонцаахоўны кампазіт на аснове экстрактаў лішайнікаў – новы падыход да абароны скуры ад шкоднага ўздзеяння ўльтрафіялетавых прамянёў, а таксама харчовую дабаўку на аснове стрэс-актываванай біямасы спіруліны – прадукт, які спрыяе падтрыманню агульнага тонусу і ўмацаванню імуннай сістэмы. Інстытут біяхіміі біялагічна актыўных злучэнняў НАН Беларусі паказвае наведвальнікам выставы лінейку спрэяў і сродак раназагойваючы «РАНЛЕК–ПАНТЭНОЛ». Фізіка-тэхнічны інстытут НАН Беларусі дэманструе на выставе пакоўкі эндапратэзаў каленнага і тазасцегнавога суставаў, а таксама пакрыццi на медыцынскія імпланты.
З 15 па 18 красавіка 2025 года ў г. Мінску (пр-т Пераможцаў, 20/2, Футбольны манеж) праходзіць 30-ы юбілейны Міжнародны медыцынскі форум «Ахова здароўя Беларусі – 2025». Ён уключае ў сябе выставу, у якой прымаюць удзел больш за 190 экспанентаў з 8 краін і шырокую дзелавую праграму. У рамках дзелавой праграмы адбудуцца 22 канферэнцыі і семінары навукова-практычных цэнтраў і ўстаноў сістэмы Міністэрства аховы здароўя, а таксама 15 семінараў медыцынскіх кампаній.
