25 красавіка 2025 года адбылася сесія Агульнага сходу Нацыянальнай акадэміі навук Беларусі
25 красавіка 2025 года адбылася сесія Агульнага сходу Нацыянальнай акадэміі навук Беларусі. У ёй прынялі ўдзел каля 400 прадстаўнікоў акадэмічнай, вузаўскай і галіновай навукі, кіраўнікі рэспубліканскіх органаў дзяржаўнага кіравання, вядомыя навукоўцы. У мерапрыемстве прынялі ўдзел міністр адукацыі Рэспублікі Беларусь Андрэй Іванец, старшыня Вышэйшай атэстацыйнай камісіі Рэспублікі Беларусь Аляксандр Гучок, першы намеснік міністра аховы здароўя Рэспублікі Беларусь Юрый Горбіч і іншыя высокія госці.
Са справаздачай аб дзейнасці Нацыянальнай акадэміі навук Беларусі ў 2024 годзе і задачах на 2025 год выступіў галоўны вучоны сакратар НАН Беларусі Васіль Гурскі. З дакладам аб унясенні змяненняў у Статут НАН Беларусі выступіў першы намеснік Старшыні Прэзідыума НАН Беларусі акадэмік Сяргей Чыжык.
Як адзначыў перад сесіяй Агульнага сходу старшыня Прэзідыума НАН Беларусі Уладзімір Гусакоў, вучоныя Акадэміі навук працуюць па мностве напрамкаў. У мінулым годзе не менш за 300 навуковых распрацовак было ўкаранёна ў розныя галіны беларускай эканомікі, ім знайшлі прымяненне на спецыялізаваных прамысловых прадпрыемствах, у сельскай гаспадарцы, у галіне аховы здароўя, і пералік тэм не вычэрпваецца. Для сістэматызацыі былі сфармаваны 12 праграм фундаментальных даследаванняў, у рамках якіх складзена група прыярытэтаў. Так, паводле слоў кіраўніка Акадэміі навук, апошнім часам сфера навуковых інтарэсаў беларускіх спецыялістаў усё часцей закранае вобласць мікраэлектронікі, дзе ствараюцца найноўшыя транзістары і ўдасканальваюцца лазерныя прыборы.
Пасля дакладаў у спрэчках прынялі ўдзел 16 чалавек: акадэмікі, член-карэспандэнты, кіраўнікі навуковых арганізацый, вядучыя вучоныя краіны. У кожным выступленні былі ўнесены прапановы па ўдасканаленні дзейнасці па прыярытэтных напрамках развіцця навукі, а таксама давалася ацэнка дзейнасці НАН Беларусі. Навуковая супольнасць вызначыла асноўныя напрамкі перспектыўнага развіцця на 2025 год.
Па выніках работы сесіі прыняты за аснову праект Пастановы Агульнага сходу «Аб выніках навуковай, навукова-тэхнічнай і інавацыйнай дзейнасці Нацыянальнай акадэміі навук Беларусі ў 2024 годзе і задачах на 2025 год».
У цэлым прыняты праект Пастановы «Аб змяненні Статута Нацыянальнай акадэміі навук Беларусі».
За высокія дасягненні ў навуковай дзейнасці лепшым навукоўцам былі ўручаны ўзнагароды НАН Беларусі, Еўразійскай эканамічнай камісіі і Міністэрства адукацыі Рэспублікі Беларусь.
Для ўдзельнікаў сесіі была арганізавана выстава найноўшых дасягненняў арганізацый НАН Беларусі. Навукоўцы-гуманітарыі прадставілі экспазіцыю новых кніжных выданняў і археалагічных знаходак.
