Віншаванне Старшыні Прэзідыума НАН Беларусі Уладзіміра Сцяпанавіча Караніка з Днём абаронцаў Айчыны і Узброеных Сіл Рэспублікі Беларусь
Паважаныя калегі!
Ад імя Прэзідыума Нацыянальнай акадэміі навук Беларусі і сябе асабіста віншую вас з Днём абаронцаў Айчыны і Узброеных Сіл Рэспублікі Беларусь!
У свядомасці нашага народа 23 лютага традыцыйна асацыюецца са святам сапраўдных мужчын. Асаблівае значэнне і сэнс гэты дзень набывае ў цяперашні час, сімвалізуючы імкненне да захавання міру і гатоўнасць да абароны роднай Беларусі.
Сёння навукоўцы Нацыянальнай акадэміі навук Беларусі ўносяць свой уклад у павышэнне абараназдольнасці краіны шляхам умацавання навукова-інавацыйнага і тэхналагічнага патэнцыялу нашай дзяржавы, сумесна з калегамі з Дзяржаўнага ваенна-прамысловага камітэта і Міністэрства абароны распрацоўваючы і прапаноўваючы для патрэб нашай арміі новыя запатрабаваныя распрацоўкі.
Дарагія сябры! Жадаю ўсім нам мірнага неба над любімай Беларуссю! Няхай усе сілы і мужнасць будуць накіраваны толькі на стварэнне, дасягненне навукова-тэхналагічнага суверэнітэту, эканамічнага росквіту нашай дзяржавы і забеспячэнне яе бяспекі.
Моцнага здароўя, дабра і дабрабыту вам і вашым родным!
Са святам!
Уладзімір КАРАНІК,
Старшыня Прэзідыума НАН Беларусі
