Старшыня Прэзідыума НАН Беларусі Уладзімір Каранік і кіраўнік МНС Вадзім Сіняўскі правялі сёння рабочую сустрэчу, падчас якой абмеркавалі пытанні міжведамаснага ўзаемадзеяння
Гаворка ідзе, перш за ўсё, аб выкарыстанні і перспектывах развіцця міжведамаснай сістэмы маніторынгу і рэагавання на пажары ў прыродных экасістэмах, заснаванай на выкарыстанні касмічнай інфармацыі Беларускай касмічнай сістэмы дыстанцыйнага зандзіравання Зямлі.
Як паведаміў Старшыня Прэзідыума НАН Беларусі Уладзімір Каранік, міжведамасная сістэма маніторынгу надзвычайных сітуацый распрацоўвалася Акадэміяй навук. Сённяшняя нарада – гэта ацэнка эфектыўнасці яе работы, а таксама абмеркаванне ўсіх аспектаў, звязаных з яе развіццём для павышэння бяспекі грамадзян і зніжэння шкоды пры пажарах альбо іншых НС.
«Зараз праводзіцца работа па пашырэнні магчымасцяў касмічнага маніторынгу Зямлі. Спадарожнік NASBSat-2, запушчаны ў снежні, завяршае лётныя выпрабаванні і ў бліжэйшы час будзе перададзены ў эксплуатацыю. Ён істотна пашырыць магчымасці сістэмы выяўлення цеплавых анамалій, – сказаў Уладзімір Каранік. – У наступным годзе запланаваны да запуску спадарожнік, які ствараецца ў рамках навукова-тэхнічнай праграмы Саюзнай дзяржавы. З расійскімі калегамі таксама вядзецца распрацоўка спадарожніка дыстанцыйнага зандзіравання Зямлі звышвысокага разрашэння. І наша галоўная задача – звязаць усё ў адзіную сістэму з улікам зацікаўленых ведамстваў, каб гэтыя спадарожнікі дапаўнялі адзін аднаго і падавалі ўсю неабходную інфармацыю максімальна аператыўна».
Кіраўнік Акадэміі навук звярнуў увагу, што створаны новы малы касмічны апарат для выяўлення цеплавых анамалій – унікальны. Ён прыблізна ў 1,5 разы менш, чым NASBSat-2, а алгарытмы апрацоўкі інфармацыі і даных адбываюцца проста ў космасе. «Гэта істотна павялічыць хуткасць рэагавання на надзвычайныя сітуацыі», – падкрэсліў Уладзімір Каранік.
У сваю чаргу Міністр па надзвычайных сітуацыях Вадзім Сіняўскі паведаміў, што МНС вызначаны асноўныя напрамкі ўзаемадзеяння з акадэмічнымі навукоўцамі па папярэджанні ліквідацыі НС. У іх ліку – маніторынг лясных і тарфяных пажараў, надзвычайных сітуацый прыроднага і тэхнагеннага характару з выкарыстаннем сістэмы касмічнага маніторынгу.
