У НАН Беларусі адбылася сустрэча з дэлегацыяй кітайскай кампаніі SINOMACH Digital Co., Ltd.
Намеснік Старшыні Прэзідыума Нацыянальнай акадэміі навук Беларусі Аляксей Труханаў правёў сёння рабочую сустрэчу з дэлегацыяй кітайскай кампаніі SINOMACH Digital Co., Ltd. на чале са старшынёй праўлення Ван Юйхан.
Ключавой тэмай абмеркавання сталі напрамкі супрацоўніцтва ў сферы інфармацыйных тэхналогій.
Асаблівую ўвагу ўдзельнікі сустрэчы надалі падрыхтоўцы сумеснай заяўкі для ўдзелу ў міжурадавым навукова-тэхнічным праекце паміж Беларуссю і Кітаем і стварэнню сумеснай лабараторыі ў рамках ініцыятывы «Пояс, шлях».
Аляксей Труханаў адзначыў, што дадзенае ўзаемадзеянне адкрывае новыя гарызонты для сумесных даследаванняў і інавацыйных распрацовак. Ён выказаў упэўненасць у тым, што спецыялісты абедзвюх краін змогуць эфектыўна аб'яднаць намаганні для вырашэння важных задач, звязаных са штучным інтэлектам, кібербяспекай і лічбавай трансфармацыяй прамысловага сектара.
Па выніках сустрэчы бакі ўзгаднілі далейшыя крокі па распрацоўцы падрабязнага плана супрацоўніцтва і каардынацыі сумесных дзеянняў.
