У НАН Беларусі стартуе прыём заявак для ўдзелу ў канферэнцыі «Першы крок у навуку»
Асноўная мэта мерапрыемства, якое адбудзецца ў студзені 2027 года напярэдадні Дня беларускай навукі, – выяўленне таленавітых навучэнцаў, якія праяўляюць цікавасць да навукова-даследчай работы, папулярызацыя дасягненняў айчыннай навукі, павышэнне іміджу і статусу інтэлектуальнай дзейнасці.
Да ўдзелу ў канферэнцыі запрашаюцца навучэнцы навучальных устаноў, якія рэалізуюць адукацыйныя праграмы агульнай сярэдняй (10-11 класы), прафесійна-тэхнічнай і сярэдняй спецыяльнай адукацыі.
Матэрыялы для ўдзелу ў канферэнцыі адпраўляюцца ў НАН Беларусі з пазнакай «Канферэнцыя навучэнцаў «Першы крок у навуку» ў адным экзэмпляры да 1 лістапада 2026 года, па адрасе 220072, г. Мінск, праспект Незалежнасці, 66.
Падрабязная інфармацыя прадстаўлена ў палажэнні тут.
