Нацыянальная акадэмія навук Беларусі

11.12.2015

У НАН Беларусі пройдзе першы Беларуска-амерыканскі семінар па навукова-тэхнічным супрацоўніцтве

13 - 18 снежня 2015 года адбудзецца візіт у Нацыянальную акадэмію навук Беларусі дэлегацыі навуковых колаў Злучаных Штатаў Амерыкі. Мэта візіту - удзел у першым Беларуска-амерыканскім семінары па навукова-тэхнічным супрацоўніцтве, правядзенне перагавораў з кіраўніцтвам НАН Беларусі аб перспектыўных напрамках беларуска-амерыканскага супрацоўніцтва ў галіне навукі і адукацыі і механізмах іх рэалізацыі.

Дамоўленасці аб правядзенні семінара былі дасягнуты ў рамках перагавораў у верасні 2014 года у ходзе візіту ў НАН Беларусі дэлегацыі Нацыянальных акадэмій ЗША і ў красавіку 2015 года падчас візіту ў НАН Беларусі дэлегацыі Нацыянальнай акадэміі навук ЗША па пытаннях навукі і адукацыі.

У складзе дэлегацыі вучоных - кіраўніцтва Нацыянальнай асацыяцыі кіраўнікоў каледжаў і ўніверсітэтаў, прадстаўнікі Цэнтра прыкладанняў віртуальнай рэальнасці Універсітэта навукі і тэхнікі штата Аёва, універсітэта штата Мічыган, Індыянскага ўніверсітэта, Міжнароднага навуковага цэнтра імя Вудра Вільсана і інш.

У рамках семінара пройдзе круглы стол па пашырэнні беларуска-амерыканскага навукова-тэхнічнага супрацоўніцтва.

Прэс-рэліз візіту дэлегацыі навуковых колаў Злучаных Штатаў Амерыкі