Кіраўніцтва Прэзідыума НАН Беларусі павіншавала жанчын, якія працуюць у Прэзідыуме са святам 8 Сакавіка. Звяртаючыся да прысутных жанчын, Старшыня Прэзідыума НАН Беларусі У.Р. Гусакоў адзначыў, што вялікая нагрузка, бясконцыя заданні, напружаная праца ў складзе Прэзідыума кладзецца на жаночыя плечы. І жанчыны годна спраўляюцца з усімі заданнямі. Таксама Гусакоў падкрэсліў, што жанчыны валодаюць цэлым шэрагам якасцей, якія праяўляюцца лепш, чым у мужчын: «жанчыны больш вынослівыя, больш прыстасаваныя, больш камунікабельныя і лепш разумеюць - гэта даказана вучонымі і праверана практыкай. Хацелася б, каб больш жанчын станавіліся акадэмікамі, абаранялі доктарскія і кандыдацкія дысертацыі, узначальвалі навуковыя інстытуты і лабараторыі».

Старшыня Прэзідыума НАН Беларусі прывёў шмат удалых прыкладаў з жыцця акадэміі, калі жанчыны бліскуча спраўляюцца са сваімі задачамі, так што “жанчыны - гэта ўжо не толькі наш тыл, але і наш авангард” - падкрэсліў старшыня Прэзідыума і пажадаў дарагім жанчынам, каб ім дарылі «больш любові, ласкі і клопату, каб атачалі дарагія, блізкія і любімыя мужчыны і як мага часцей казалі добрыя словы».

Віншаванне працягнулася выступленнем харавой капэлы «Акадэмія», якая выканала некалькі твораў са свайго рэпертуару.

Поздравление с 8 Мартаhttp://nasb.gov.by/rus/news/807/

Опубликовано Национальная академия наук Беларуси 5 марта 2016 г.