Уладзімір Гусакоў адзначыў што вучоных дзвюх краін аб’ядноўваюць працяглыя гістарычныя сувязі і, у сувязі з гэтым, выказаў упэўненасць, што супрацоўніцтва акадэмій дзвюх краін мае вялікія перспектывы для развіцця. Для гэтага неабходна стварэнне агульных праектаў і нарошчванне абмену вопытам. Беларускі бок мае намер прапанаваць развіваць узаемадзеянне ў АПК, машынабудаванні, матэрыялазнаўстве, у галіне хіміі, біялогіі і фармацэўтыкі.
Стэфан Вадзенічараў праявіў асаблівую цікавасць да такіх напрамкаў супрацоўніцтва, як металаапрацоўка, апрацоўка малака. Таксама Прэзідэнт Балгарскай акадэміі навук запрасіў Уладзіміра Гусакова разам з дэлегацыяй беларускіх вучоных наведаць у бліжэйшы час Сафію, каб азнаёміцца з распрацоўкамі балгарскіх калег.
У выніку перагавораў быў падпісаны пратакол аб навуковым супрацоўніцтве на 2016-2018 гады. Візіт прэзідэнта Балгарскай акадэміі навук Стэфана Вадзенічарава працягнецца да 16 красавіка 2016 г.
