20 мая 2016 г. Дзяржаўная навуковая ўстанова «Інстытут гісторыі Нацыянальнай акадэміі навук Беларусі» сумесна с Ашмянскім раённым выканаўчым камітэтам праводзяць VII навукова-практычную канферэнцыю «Гальшанскія чытанні»: «Ашмяншчына – рэгіянальныя асаблівасці развіцця X–XX cтст.» Пленарнае пасяджэнне адбудзецца 20 мая 2016 г. з 10.00 да 13.00 па адрасе г. Ашмяны Гродзенскай вобласці, вул. Савецкая 103, вялікая канферэнц-зала (будынак Ашмянскага раённага выканаўчага камітэта).

У працы канферэнцыі будуць удзельнічаць гісторыкі, журналісты, грамадскія дзеячы. Канферэнцыя накіравана на больш глыбокае вывучэнне гісторыі Беларусі на прыкладзе Ашмянскага краю. Асноўная ўвага даследчыкаў накіравана на вызначэнне механізмаў узаемадзеяння ў гістарычнай рэтраспектыве горадаў Ашмяншчыны і іх наваколя.

Плануемае поле канферэнцыі:

Ашмяны, Гальшаны і ваколіца паводле археалагічных крыніц;

развіццё Ашмяншчыны ў часы Вялікага Княства Літоўскага і Рэчы Паспалітай;

Ашмяншчына ў XIX – XX стагоддзях;

шляхецкія роды Ашмяншчыны;

сацыяльная прастора Ашмяншчыны (сацыяльныя і маёмасныя группы, іх узаемаадносіны, роля ў гісторыі краю);

культурная спадчына Ашмяншчыны (архітэктура, мастацтва, асвета, літаратура, этнаграфія і інш.);

сельская гаспадарка, рамяство, гандаль, вытворчасць, шляхі зносін у гісторыі краю;

славутыя імёны Ашмяншчыны.

Адрас аргкамітэта: 220072, Інстытут гісторыі НАН Беларусі, г. Мінск, вул. Акадэмічная 1. Тэл. (017) 284-14-09, факс (017) 284-18-70. E-mail: dounar_zagor@ mail.ru.