Нацыянальная акадэмія навук Беларусі

18.05.2016

Стартаваў адкрыты нацыянальны конкурс фатаграфіі дзікай прыроды «Залатая рысь»

16 мая стартаваў адкрыты нацыянальны конкурс фатаграфіі дзікай прыроды «Залатая рысь» з міжнародным удзелам. Арганізатарам конкурсу выступіла Нацыянальная акадэмія навук Беларусі ў асобе ДНВА “Навукова-практычны цэнтр НАН Беларусі па біярэсурсах” сумесна з Міжнародным фондам падтрымкі дзікай прыроды “Чырвоны бор”. Таксама ў склад аргкамітэта конкурсу, акрамя арганізатараў, увайшлі прадстаўнікі рэспубліканскіх Міністэрстваў - Мінпрыроды, Мінспорту і турызму, МЗС, Міністэрства лясной гаспадаркі, Мінінфарма, Міністэрства культуры і Міністэрства адукацыі.

Мэтамі фотаконкурсу з’яўляюцца: фарміраванне адказных адносін да прыроды; паважлівае стаўленне да дабрабыту дзікіх жывёл і іх асяроддзя пражывання; акцэнтаванне ўвагі максімальна магчымай колькасці людзей на пытаннях аховы прыроды; падтрыманне іміджу Беларусі, як краіны, якая надае вялікую ўвагу пытанням прыродаахоўнай дзейнасці; прапаганда нацыянальных прыродных багаццяў; дэманстрацыя разнастайнасці як нацыянальных, так і сусветных прыродных рэсурсаў; рэклама нацыянальных прыродных тэрыторый, патэнцыяльна цікавых для замежных спецыялістаў і турыстаў, прыцягненне дадатковай увагі да развіцця экатурызму ў Беларусі і інш.

Конкурс праводзіцца па 9 намінацыях. Прадугледжаны каштоўныя прызы для пераможцаў. Работы прымаюцца да 30 верасня 2016 года на сайце конкурсу golden-lynx.biobel.by