У рамках візіту дэлегацыі Каралеўства Саудаўская Аравія ў Рэспубліку Беларусь 16 мая 2016 года адбылося наведванне НАН Беларусі. У ходзе візіту госці азнаёміліся з экспазіцыяй пастаянна дзеючай выставы НАН Беларусі “Дасягненні айчыннай навукі – вытворчасці” і правялі перагаворы з кіраўніцтвам НАН Беларусі. Кіраўнік дэлегацыі намеснік Міністра замежных спраў Юсуф бен Тарад аль-Саадун адзначыў, што беларускія вучоныя і вучоныя з Саудаўскай Аравіі ўжо маюць вопыт узаемадзеяння, “але мы імкнёмся, каб вынікі супрацоўніцтва былі больш маштабнымі і вельмі хочам, каб тая дзелавая дэлегацыя, якая прыбыла для ўдзелу ў другім пасяджэнні Беларуска-Саудаўскага Сумеснага Міжурадавага камітэта, наведала Нацыянальную акадэмію навук Беларусі і знайшла шляхі для наладжвання і вытворчасці некаторых сумесных навуковых распрацовак”.

У праграме візіту дэлегацыі таксама запланавана наведванне шэрагу навуковых арганізацый НАН Беларусі: Інстытута хіміі новых матэрыялаў, Інстытута фізікі імя Б.І.Сцяпанава, Інстытута цепла- і масаабмену імя А.В.Лыкава.

Па выніках візіту дэлегацыі ў Беларусь плануецца падпісанне пагаднення аб супрацоўніцтве ў галіне навукі і тэхналогій паміж Урадам Рэспублікі Беларусь і Урадам Каралеўства Саудаўская Аравія, асноўныя аператары па якім з беларускага боку - НАН Беларусі і ДКНТ, а таксама выніковага пратакола пасяджэння Сумеснага міжурадавага камітэта.