20 мая 2016 года ў НАН Беларусі адбылося ўрачыстае пасяджэнне Навуковага савета і Апякунскага Савета Беларускага рэспубліканскага фонду фундаментальных даследаванняў (БРФФД), прысвечанае 25-годдзю Фонду. У мерапрыемстве прынялі ўдзел вядучыя вучоныя Беларусі, Расіі, Азербайджана, Украіны. Сярод ганаровых гасцей - старшыня савета Расійскага фонду фундаментальных даследаванняў (РФФД) акадэмік Уладзіслаў Панчанка, выканаўчы дырэктар Фонду развіцця навукі пры Прэзідэнце Азербайджана Эльчын Бабаеў, віцэ-прэзідэнт Нацыянальнай акадэміі мастацтваў Украіны Віктар Сідарэнка і іншыя.

Цэнтральнай тэмай стала абмеркаванне пашырэння супрацоўніцтва вучоных СНД у галіне фундаментальных даследаванняў, разгляд вынікаў дзейнасці БРФФД у 1991 - 2016 гадах, зацвярджэнне справаздачы аб дзейнасці БРФФД за 2015 год і вынікаў конкурсаў навуковых праектаў БРФФД 2016 года.

Падрабязней у прэс-рэлізе.