Нацыянальная акадэмія навук Беларусі

25.05.2016

Інстытут генетыкі і цыталогіі НАН Беларусі правёў круглы стол па праблеме садзейнічання комплекснаму выкананню Картахенскага пратакола

25 мая 2016 года адбыўся Круглы стол па міжнародным праекце “Стварэнне патэнцыялу ў мэтах садзейнічання комплекснаму выкананню Картахенскага пратакола па біябяспецы і Канвенцыі аб біялагічнай разнастайнасці на нацыянальным узроўні” у сувязі з Міжнародным днём біяразнастайнасці. Пасяджэнне круглага стала прайшло ў рамках выканання міжнароднага праекта “Стварэнне патэнцыялу ў мэтах садзейнічання комплекснаму выкананню Картахенскага пратакола па біябяспецы і Канвенцыі аб біялагічнай разнастайнасці на нацыянальным узроўні”. Арганізатар мерапрыемства - Дзяржаўная навуковая ўстанова “Інстытут генетыкі і цыталогіі Нацыянальнай акадэміі навук Беларусі”, які выконвае функцыі Нацыянальнага каардынацыйнага цэнтра біябяспекі, пры садзейнічанні Міністэрства прыродных рэсурсаў і аховы навакольнага асяроддзя Рэспублікі Беларусь.

Для ўдзелу ў абмеркаванні пытанняў заканадаўчага рэгулявання генна-інжынернай дзейнасці і эфектыўнасці працы ў галіне біябяспекі, а таксама распрацоўцы прапаноў па забеспячэнні комплекснага выканання Картахенскага пратакола па біябяспецы і Канвенцыі аб біялагічнай разнастайнасці на нацыянальным узроўні былі запрошаны прадстаўнікі зацікаўленых міністэрстваў і іншых нацыянальных дзяржаўных устаноў, а таксама нацыянальнага цэнтра Орхускай канвенцыі ААН па забеспячэнні ўдзелу грамадскасці ў абмеркаванні пытанняў, якія тычацца навакольнага асяроддзя, уключаючы пытанні біябяспекі, і грамадскіх арганізацый, якія займаюцца пытаннямі аховы навакольнага асяроддзя ў Рэспубліцы Беларусь.

Арганізатары мерапрыемства выказалі ўпэўненасць, што шматбаковы дыялог дазволіць вызначыць практычныя крокі па інтэграванні пытанняў біябяспекі ў нацыянальныя стратэгічныя планы і дзяржаўныя планы навуковых даследаванняў.