27 мая 2016 года на пасяджэнні Прэзідыума НАН Беларусі Старшыня Прэзідыума НАН Беларусі Уладзімір Гусакоў уручыў дыпломы супрацоўнікам арганізацый НАН Беларусі, лаўрэатам прэміі Расійскай акадэміі навук і Нацыянальнай акадэміі навук Беларусі 2015 года. Як вядома, прэміі Расійскай акадэміі навук і Нацыянальнай акадэміі навук Беларусі 2015 года прысуджаны за выдатныя навуковыя вынікі, атрыманыя ў ходзе сумесных даследаванняў двум аўтарскім калектывам.

У галіне прыродазнаўчых навук прэмія прысуджана калектыву расійскіх і беларускіх вучоных - за працу “Мультыферментнае каскаднае ператварэнне вугляводаў у нуклеазіды: новая стратэгія сінтэзу біялагічна важных нуклеазідаў”.

З беларускага боку лаўрэатамі сталі:

Сцепчанка Уладзімір Аляксандравіч, навуковы супрацоўнік дзяржаўнай навуковай установы “Інстытут біяарганічнай хіміі Нацыянальнай акадэміі навук Беларусі”,

Сакалоў Юрый Аляксандравіч, кандыдат фізіка-матэматычных навук, вядучы навуковы супрацоўнік дзяржаўнай навуковай установы “Інстытут біяарганічнай хіміі Нацыянальнай акадэміі навук Беларусі”,

Міхайлопула Ігар Аляксандравіч, член-карэспандэнт Нацыянальнай акадэміі навук Беларусі, доктар хімічных навук, прафесар, галоўны навуковы супрацоўнік дзяржаўнай навуковай установы “Інстытут біяарганічнай хіміі Нацыянальнай акадэміі навук Беларусі”.

У галіне тэхнічных навук прэмія прысуджана калектыву расійскіх і беларускіх вучоных за цыкл прац “Матэрыялы і плёнкавыя гетэраструктуры для прылад спінтронікі і магнонікі”.

З беларускага боку лаўрэатамі сталі:

Федасюк Валерый Міхайлавіч, член-карэспандэнт Нацыянальнай акадэміі навук Беларусі, доктар фізіка-матэматычных навук, генеральны дырэктар дзяржаўнага навукова-вытворчага аб’яднання “Навукова-практычны цэнтр Нацыянальнай акадэміі навук Беларусі па матэрыялазнаўстве”,

Стогній Аляксандр Іванавіч, кандыдат фізіка-матэматычных навук, вядучы навуковы супрацоўнік дзяржаўнага навукова-вытворчага аб’яднання “Навукова-практычны цэнтр Нацыянальнай акадэміі навук Беларусі па матэрыялазнаўстве”,

Труханаў Аляксей Валянцінавіч, кандыдат фізіка-матэматычных навук, вядучы навуковы супрацоўнік дзяржаўнага навукова-вытворчага аб’яднання “Навукова-практычны цэнтр Нацыянальнай акадэміі навук Беларусі па матэрыялазнаўстве”.

Прэміі НАН Беларусі і РАН прысуджаюцца раз у тры гады за выдатныя навуковыя вынікі, атрыманыя ў ходзе сумесных даследаванняў, якія маюць важнае навуковае і практычнае значэнне. У конкурсе на саісканне прэмій могуць удзельнічаць расійскія і беларускія вучоныя, якія з’яўляюцца грамадзянамі Расійскай Федэрацыі і Рэспублікі Беларусь і працуюць у навуковых арганізацыях РАН і НАН Беларусі. Аўтарскі калектыў работы, вылучаемай на конкурс, не павінен перавышаць трох чалавек з кожнага боку. Памер адной прэміі устаноўлены роўным 10 000 долараў ЗША.