17 чэрвеня 2016 года адбыўся рабочы візіт Старшыні Прэзідыума НАН Беларусі Уладзіміра Гусакова ў ДНУ “Інстытут агульнай і неарганічнай хіміі НАН Беларусі”. У. Гусакоў наведаў лабараторыі інстытута і правёў сустрэчу з вучоным саветам ІАНХ, дзе абмяркоўваліся апошнія дасягненні інстытута і планы на будучыя фундаментальныя і прыкладныя даследаванні.

Інстытут агульнай і неарганічнай хіміі звязваюць даўнія трывалыя сувязі з прамысловасцю, у прыватнасці, з ААТ “Беларуськалій”. Навуковая арганізацыя мае спектр распрацовак у сферы нафтавых і аргана-мінеральных дысперсій, дысперсных сістэм, якія ўтрымліваюць палімеры, лакафарбавых і звязвальных матэрыялаў і інш. Старшыня Прэзідыума НАН Беларусі пажадаў хімікам павышаць якасць удабрэнняў, якія распрацоўваюцца, узмацніўшы фундаментальную частку даследаванняў і ацэньваючы іх выкарыстанне і запатрабавальнасць у перспектыве, а таксама ўзмацніць працу па прыцягненні ў інстытут маладых кадраў, пачынаючы са школы. Таксама У. Гусакоў заклікаў вучоных больш актыўна даносіць інфармацыю пра свае распрацоўкі да грамадскасці шляхам узаемадзеяння са сродкамі масавай інфармацыі.