2 снежня 2016 года ў Мінску ў Парку высокіх тэхналогій адбыўся другі тур спаборніцтваў “Навуковага рынга” - першага ў Беларусі праекта ў фармаце навуковых баёў, дзе вучоныя наглядна і даступна тлумачаць сутнасць сваіх даследаванняў і распрацовак са сцэны. У навуковых баях прынялі ўдзел маладыя вучоныя Нацыянальнай акадэміі навук Беларусі, спецыялісты ВНУ і навуковых падраздзяленняў устаноў аховы здароўя. Мерапрыемства прайшло пры падтрымцы Савета маладых вучоных НАН Беларусі, Цэнтральнай навуковай бібліятэкі НАН Беларусі, кампаніі EPAM Systems, EPAM-Гаража, Парка высокіх тэхналогій.

Другі тур “Навуковага рынга” сабраў больш за 300 гледачоў, якія выступілі ў якасці суддзяў і выбіралі лепшага прамоўцу. Лепшыя прамоўцы па выніках двух тураў будуць змагацца ў фінальным шоу.