Згодна з Указам Прэзідэнта Рэспублікі Беларусь ад 1 лютага 2017 года № 34, вялікая група работнікаў розных сфер удастоена дзяржаўных узнагарод за шматгадовую плённую працу, узорнае выкананне службовых абавязкаў, дасягненне высокіх вытворчых паказчыкаў у прамысловасці, будаўніцтве і сельскай гаспадарцы, значны асабісты ўклад у падрыхтоўку высокакваліфікаваных спецыялістаў, развіццё навуковай і педагагічнай дзейнасці, сістэмы адукацыі і аховы здароўя, беларускага кінамастацтва, культуры і спорту.

Сярод узнагароджаных – вучоныя і спецыялісты Нацыянальнай акадэміі навук Беларусі.

Медалём Францыска Скарыны ўзнагароджаны дырэктар ДНУ “Інстытут матэматыкі НАН Беларусі” Іван Гайшун.

Ганаровае званне “Заслужаны дзеяч навукі Рэспублікі Беларусь” прысвоена дырэктару ДНУ “Інстытут сацыялогіі НАН Беларусі” Ігару Катлярову і акадэміку НАН Беларусі, рэктару Беларускага дзяржаўнага ўніверсітэта Сяргею Абламейку.

Шчыра віншуем нашых калег з высокімі дзяржаўнымі ўзнагародамі і жадаем новых творчых поспехаў!