Беларуская сельскагаспадарчая бібліятэка імя І.С. Лупіновіча НАН Беларусі праводзіць 21 лютага 2017 года семінар “Інфармацыйныя рэсурсы і інструменты платформы Web of Science для сучаснага вучонага”. На семінары плануецца разгледзець практычныя пытанні работы з інфармацыйнымі рэсурсамі платформы Web of Science і комплексам звязаных з ёй інфармацыйных інструментаў. Эфектыўнае выкарыстанне сучасных інфармацыйных інструментаў дазваляе значна павысіць выніковасць навуковых даследаванняў, павялічыць публікацыйную актыўнасць і канкурэнтаздольнасць беларускіх вучоных на міжнароднай навуковай арэне.

Семінар прызначаны для шырокага кола карыстальнікаў: вучоных і спецыялістаў навуковых арганізацый, супрацоўнікаў і выкладчыкаў універсітэтаў, аспірантаў і інш.

Арганізатары семінара: ДУ “Беларуская сельскагаспадарчая бібліятэка імя І.С.Лупіновіча” НАН Беларусі і Кампанія Clarivate Analytics (Thomson Reuters)

Час правядзення: 21 лютага 2017 г. з 9:30 да 13:30

Месца правядзення: Беларуская сельскагаспадарчая бібліятэка, пак. 112 (канферэнц-зала), вул. Казінца, 86/2, г. Мінск

Вядзе семінар: Ціханкова Ірына Аляксандраўна, спецыяліст па навучанні кампаніі Clarivate Analytics

Праграма семінара:
09:30 - 10:00 Рэгістрацыя ўдзельнікаў
10:00 - 11:30 Інфармацыйныя рэсурсы і пошукавыя магчымасці платформы Web of Science. Асноўныя навукаметрычныя паказчыкі, асаблівасці іх карэктнага прымянення. Магчымасці выкарыстання сістэм аўтарскай ідэнтыфікацыі. ResearcherID і ORCID: практычныя парады па стварэнні і напаўненні профіляў
11:30 - 12:00 Кава-паўза
00:00 - 13:30 Бібліяграфічны менеджар EndNote Online для працы з бібліяграфічнай інфармацыяй: падбор выдання і афармленне публікацыі, стварэнне калекцыі літаратуры па сваім прадмеце, афармленне бібліяграфіі па розных стылях. Выбар часопіса для публікацыі. Пошук і аналіз навуковых часопісаў з выкарыстаннем Journal Citation Reports

Для ўдзелу ў семінары неабходна прайсці анлайн рэгістрацыю